8 months ago
February 21, 2024
काठमाडौं (हाम्रो खेलकुद) – यूएईले सिनियर क्रिकेट टोलीको प्रशिक्षकमा भारतका लालचन्द राजपुतलाई नियुक्त गरेको छ ।
गत वर्ष रोबिन सिंहलाई बर्खास्त गरेपछि यूएईले नयाँ प्रशिक्षक नियुक्त गरेको थिएन । बुधबार प्रेस विज्ञप्ति जारी गर्दै यूएईले राजपुतलाई प्रशिक्षकमा नियुक्त गरेको हो । उनले ३ वर्षको सम्झौता गरेका छन् ।
राजपुतले यसै साताबाट जिम्मेवारी सम्हाल्नेछन् । अर्को साताबाट यूएई, स्कटल्यान्ड र क्यानडाबीच लिग-२ को त्रिकोणात्मक सिरिज सुरु हुँदैछ । त्यसपछि यूएई र स्कटल्यान्डले ३ खेलको टि२०आई सिरिज खेल्नेछ ।
राजपुतले भारतका लागि १९८५ मा ६ खेल खेलेका थिए । त्यसपछि उनले भारतको घरेलु क्रिकेटमा प्रशिक्षकको रुपमा काम गरे । सन् २००७ मा भारतले टि२० विश्वकप जित्दा उनी मुख्य प्रशिक्षक थिए । उनले विगतमा नेपालको प्रशिक्षक बन्न आवेदन पनि दिएका थिए । तर त्यसबेला क्यानले डेभ व्हाटमोर र दोस्रो पटक मोन्टि देशाईलाई नियुक्त गरेको थियो ।
October 23, 2024
काठमाडौं(हाम्रो खेलकुद) – युएईमा आयोजना हुने महिला यु १९ टि ट्वान्टी विश्वकपको एसिया छनोटको लागि नेपाली युवा टोलीको घोषणा भएको छ । नेपाल क्रिकेट संघ (क्यान) ले बुधवार पुजा महतोको कप्तानीमा १४ सदस्यीय टोलीको घोषणा गरेको हो । क्यानले एसिया छनोटका लागि भदौ २६ गते २९ सदस्यीय खेलाडीलाई प्रशिक्षणमा डाकेको थियो । छनोट प्रतियोगिता कात्तिक […]
October 23, 2024
काठमाडौं(हाम्रो खेलकुद) – जिम्बाब्वेले टि ट्वान्टी आईमा सवार्धिक रन बनाउँदै नेपालको कीर्तिमान तोडेको छ । आइसिसी पुरुष टि ट्वान्टी विश्वकप अफ्रिका उप क्षेत्रिय छनोटमा गाम्बियाविरुद्ध ३ सय ४४ रनको योगफल तयार गर्दै नेपालको कीर्तिमान तोडेको हो । नेपालले यसअघि टि ट्वान्टी आईमा एकै इनिङमा ३ सय १४ रन बनाउदै सर्वाधिक योगफलको कीर्तिमान बनाएको थियो । […]
October 23, 2024
काठमाडौं(हाम्रो खेलकुद) – नेपाली राष्ट्रिय क्रिकेट टोलीका ब्याटर कुशल भुर्तेलको टि ट्वान्टी आईको ब्याटिङ वरियतामा व्यापक सुधार आएको छ । अन्तर्राष्ट्रिय क्रिकेट परिषद (आइसिसी) ले जारी गरेको नयाँ वरियतामा कुशलको स्थानमा ३१ स्थानमाथि उक्लेका छन् । नयाँ वरियतामा कुशल ९९ औं स्थानमा छन् । सोमवार अमेरिकासँगको ३ वटा टि ट्वान्टी आई सिरिज नेपालले क्लिन स्विप […]
