default_image

2 months ago

February 28, 2024

पाँचपोखरी हिमालयन र मेलम्चीको जित

काठमाडौं (हाम्रो खेलकुद) – पाँचपोखरी हिमालयन क्रिकेट क्लब र मेलम्ची नगरपालिकाले पाँचपोखरी जिल्ला स्तरीय टि२० क्रिकेट प्रतियोगितामा जित दर्ता गरेका छन् । प्रतियोगिताको पाँचौ दिन बुधबार पाँचपोखरी हिमालयन क्रिकेट क्लबले ह्योल्मो-११ लाई ८ विकेटले पराजित गर्यो । कर्मा तामाङको घातक बलिङ तथा पासाङ तामाङको अर्धशतक र पेम्बा तामाङको उत्कृष्ट इनिङमा हिमालयनले जित निकालेको हो । […]

82 views

0 Bookmark

काठमाडौं (हाम्रो खेलकुद) – पाँचपोखरी हिमालयन क्रिकेट क्लब र मेलम्ची नगरपालिकाले पाँचपोखरी जिल्ला स्तरीय टि२० क्रिकेट प्रतियोगितामा जित दर्ता गरेका छन् ।

प्रतियोगिताको पाँचौ दिन बुधबार पाँचपोखरी हिमालयन क्रिकेट क्लबले ह्योल्मो-११ लाई ८ विकेटले पराजित गर्यो । कर्मा तामाङको घातक बलिङ तथा पासाङ तामाङको अर्धशतक र पेम्बा तामाङको उत्कृष्ट इनिङमा हिमालयनले जित निकालेको हो ।

प्लेयर अफ द म्याच कर्माले ५ विकेट लिएपछि ह्योल्मो १८.३ ओभरमा मात्र १ सय २२ रन जोड्दै अलआउट भएको थियो । ह्योल्मोले आठौं ओभरमा पहिलो विकेट गुमाएपनि मध्यक्रम नचल्दा हार बेहोर्यो । ओपनर विनोद तामाङले ४३ र विवेक तामाङले ३४ रन जोड्नुबाहेक अन्य ब्याटरले खासै योगदान दिन सकेनन् ।

जवाफमा पासाङले ४४ बलमा ८ चौकासहित नटआउट ५१ रन जोड्दै टोलीलाई जितसम्म पुर्याए । पेम्बा तामाङले ४४ बलमा १ चौका र ३ छक्कासहित ४४ रन बनाए ।

अर्को खेलमा रिन्जिन लामाको अलराउन्ड प्रदर्शनमा मेलम्चीले माइटि साँगाचोकमाथि ५ विकेटको जित निकाल्यो । रिन्जिनले कसिलो बलिङ्ग गर्दै ३ विकेट लिएपछि साँगाचोक १९ ओभरमा ९९ रन जोड्दै अलआउट भयो ।

जवाफमा रिन्जिनले नै ३१ बलमा ६ चौकासहित ४४ रन जोड्दै टोलीलाई बलियो सुरुवात दिलाए । विनोद तामाङले १२ बलमा २० रन जोड्दै टोलीलाई १३ ओभरमै जितसम्म पुर्याए ।

प्रतियोगिता अन्तर्गत अब विहीबार हेलम्बु-११ र भोटेचौर स्पोर्ट्स क्लब तथा पाँचपोखरी र मेलम्ची नगरपालिकाबीच खेल हुनेछ ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.