default_image

1 month ago

March 11, 2024

एक्स्ट्राटेक लिजेन्ड कप टि–१० क्रिकेट आज

सुमन अधिकारी, बुटवल नेपालले पहिलो पटक अन्तराष्ट्रिय क्रिकेटमा प्रवेश गरेको टोलीका सदस्यहरुलाई रुपन्देहीमा सम्मान गरिएको छ । सन् १९९६ मा मलेसियामा पहिलो एसीसी ट्रफीमार्फत अन्तराष्ट्रिय क्रिकेटमा प्रवेश गरेको नेपालका एक दर्जन बढी पूर्वक्रिकेटरहरुलाई रुपन्देहीमा सम्मान गरिएको हो । रुपन्देहीको तिलोत्तमामा बन्दै गरेको एक्स्ट्राटेक ओभल अन्तराष्ट्रिय क्रिकेट रंगशालाको उद्घाटनको पूर्व सन्ध्यामा आयोजित क्रिकेट अनुभव आदानप्रदान कार्यक्रममा […]

1489 views

0 Bookmark

सुमन अधिकारी, बुटवल

नेपालले पहिलो पटक अन्तराष्ट्रिय क्रिकेटमा प्रवेश गरेको टोलीका सदस्यहरुलाई रुपन्देहीमा सम्मान गरिएको छ । सन् १९९६ मा मलेसियामा पहिलो एसीसी ट्रफीमार्फत अन्तराष्ट्रिय क्रिकेटमा प्रवेश गरेको नेपालका एक दर्जन बढी पूर्वक्रिकेटरहरुलाई रुपन्देहीमा सम्मान गरिएको हो ।

रुपन्देहीको तिलोत्तमामा बन्दै गरेको एक्स्ट्राटेक ओभल अन्तराष्ट्रिय क्रिकेट रंगशालाको उद्घाटनको पूर्व सन्ध्यामा आयोजित क्रिकेट अनुभव आदानप्रदान कार्यक्रममा उनीहरुलाई सम्मान गरिएको हो । त्यस अवसरमा पहिलो महिला अन्तर्राष्टिय टोलीका ४ जना खेलाडीहरुलाई पनि सम्मान गरिएको थियो ।

एक्स्ट्राटेक ओभल एकेडेमीको आयोजनामा भएको विशेष कार्यक्रममा १९९६ मा एसिसि खेल खेल्ने नेपालको पहिलो क्रिकेट टिमका १३ जना पुरुष र सन २००७ का मलेसियामै भएको एसीसी कप प्रतियोगिता खेलेका महिला क्रिकेट खेलाडीहरु ममता थापा, नितु थापा, मिरा राजोपाध्याय, सीता रानामगरलाई सम्मान गरिएको हो ।

कार्यक्रममा पहिलो १९९६ मा मलेसियामा भएको पहिलो एसिसि ट्रफिमा खेल्ने टिमका खेलाडीहरु लेख बहादुर क्षेत्री, जगत टमाटा, सन्जय गुरुङ, पुकार पन्त, किरण राणा, रितेश बराल, प्रशान्त शाही ठकुरी, पुर्व कप्तान पवन अग्रवाल, बिशाल गुप्ता, राजु खड्का, मुसरफ इजहार, मनिषराज पाण्डे, कोच सरोज भट्टराई, अरुण अर्याल, किरण रानालाई सम्मान गरिएको थियो । सो टिममा कप्तान उत्तम कर्माचार्य देशबाहिर छन् । तत्कालिन विकेट किपर गणेश शाहीको निधन भइसकेको छ ।

खेलाडीहरुलाई तिलोत्तमा नगरपालिकाका नगरप्रमुख रामकृष्ण खाड, प्रदेश खेलकुद परिषद लुम्बिनीका सदस्य सचिव जयप्रकाश भट्टराई, एक्स्ट्राटेक ओभल अन्तराष्ट्रिय क्रिकेट रंगशालाका निर्माता तथा एकेडेमीका डाइरेक्टर विनोद कुँवर, नेपाल क्रिकेट संघ क्यान (क्यान) का सचिव तथा पुर्व राष्ट्रिय क्रिकेट टोलीका पूर्व कप्तान पारस खड्काले उनिहरुलाई सम्मान गरेका थिए ।

सोहि अवसरमा पूर्व खेलाडीहरुको स्मरण कार्यक्रम पनि राखिएको थियो । जसमा टि २० विश्वकप २०१४ मा सहभागी टोलीका कप्तान पारस खड्का, सन् १९९६ मा मलेसियामा पहिलो एसीसी ट्रफीमा सहभागी टिमका सदस्य एलबी क्षेत्री तथा सन २००७ का मलेसियामै भएको एसीसी कप प्रतियोगिता खेलेको महिला क्रिकेट टोलीका सदस्य ममता थापाले आफ्ना अनुभूतिहरु र क्रिकेट खेलका बारेमा आफ्ना अनुभवहरु राखेका थिए ।

एक्स्ट्राटेक लिजेन्ड कप टी–१० प्रतियोगिता
तिलोत्तमा नगरपालिका–१७ पूर्व दरखसवामा निर्मित एक्स्ट्राटेक ओभल मैदानको उद्घाटन स्वरुप सोमबार तिलोत्तमा एक्स्ट्राटेक लिजेन्ड कप टि–१० प्रतियोगिता आयोजना हुदैछ । प्रतियोगिताको लुम्बिनी प्रदेश प्रमुख अमिक शेरचन, पूर्व उपप्रधान तथा अर्थमन्त्री विष्णु पौडेलेले उद्घाटन गर्ने कार्यक्रम रहेको छ ।

एकदिने प्रतियोगितामा लिजेन्ड्स ९६, रेस्ट अफ नेपाल, विश्वकप २०१४ र रुपन्देही लिजेन्ड्स गरी चारवटा टोलीले प्रतिष्पर्धा गर्न लागेका छन् ।

प्रतियोगितामा नेपालले सन् १९९६ मा मलेसियामा पहिलो एसीसी ट्रफीमार्फत अन्तर्राष्ट्रिय क्रिकेटमा प्रवेश गर्दाको सहभागी खेलाडीको टोली लिजेन्ड्स ९६, विश्वकप २०१४ मा सहभागी टोली, रेस्ट अफ नेपाल तथा रुपन्देही लिजेन्ड्स टोली सहभागी हुने छन् ।

लिजेन्ड्स ९६ बाट एलवी क्षेत्री (कप्तान), पवन अग्रवाल, मनिषराज पाण्डे, राजु खड्का, सञ्जय गुरुङ, बसन्त शाही, किरण राणा, जगत टमटा, पुकार पन्त, विशाल गुप्ता लगायत सहभागी हुने छन् ।

यसैगरि पारस खड्काको कप्तानीमा रहेको विश्वकप २०१४ को टोलीबाट ज्ञानेन्द्र मल्ल, शरद भेषावकर, शक्ति गौचन, जितेन्द्र मुखिया, करन महतरा, ममता थापा, नविन घिमिरे र अविनाश कर्ण लगायत रहेका छन् ।

नेपालको पहिलो अन्तर्राष्ट्रिय टोली र विश्वकप नखेलेका टोली बीचको कम्बिनेसन रेस्ट अफ नेपालको नेतृत्व विनोद दासले गर्ने छन् । दासको कप्तानीमा रहेको रेष्ट अफ नेपाल टोलीमा पारस लुनिया, दीपेन्द्र चौधरी, राजु बस्नेत, धिरेन्द्र चन्द, कलाम अली, विकास दली, युनिल श्रेष्ठ, लाक्पा लामा, राजकुमार प्रधान, जयप्रकास सर्राफ, अरुण थापा, अक्रम सिद्धिकी, सीता रानामगर खेलाडीहरु छन् ।

रुपन्देही क्रिकेट संघका अध्यक्ष हरि थापाको कप्तानीमा रहेको रुपन्देही लिजेन्ड्समा सञ्जीव जोशी, दुर्गा सेन, अन्तिम थापा, लालबहादुर अधिकारीसहितका अन्तर्राष्ट्रिय क्रिकेट खेलेका खेलाडीहरु रहेका छन् ।

तिलोत्तमा नगरपालिकाको मुख्य प्रायोजनमा हुने प्रतियोगितामा निभिया जर्सी पार्टनर र एयरलायन्स पार्टनरको रुपमा यति एयरलायन्सले सहयोग गरेको छ ।

नेपाल क्रिकेट संघसंगको सहकार्यमा रुपन्देही क्रिकेट संघ, लुम्बिनी प्रदेश क्रिकेट संघको आयोजनामा हुने प्रतियोगिताको हाम्रो खेलकुद डट कमको फेसबुक र युवट्युवमा तथा एक्सन स्पोर्टस टेलिभिजनमा प्रत्यक्ष प्रशारण गरिने छ ।

April 15, 2024

मुम्बईमाथि चेन्नईको जित

एजेन्सी – चेन्नई सुपर किंग्सले इन्डियन प्रिमियर लिग (आइपिएल) मा आइतबार मुम्बई इन्डियन्समाथि सानदार जित निकालेको छ । चेन्नईले मुम्बईलाई २० रनले हराएको हो । २ सय ७ रनको लक्ष्यको पछ्याएको मुम्बईले नटआउट रोहित शर्माको शतकका बावजुद २० ओभरमा ६ विकेटको क्षतिमा १ सय ८६ रन मात्र बनाउन सक्यो । रोहित र इशान शर्माले पहिलो […]

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

Success

Thank you for your time.