2 years ago
March 24, 2024
एजेन्सी – राजस्थान रोयल्सले इंडियन प्रिमियर लिग (आईपिएल) को १७औं संस्करणमा विजयी सुरुवाती गरेको छ । पहिलो संस्करणको विजेता राजस्थानले आज भएको पहिलो खेलमा लखनऊ सुपर जाएन्ट्स विरुद्ध २० रनको जित दर्ता गरेको हो ।
राजस्थानले दिएको १९४ रनको विशाल लक्ष्य पछ्याएको लखनऊले निर्धारित २० ओभरमा ६ विकेट गुमाउँदै १७३ रन मात्र बनाउन सक्यो । लखनऊका लागि निकोलस पुरनले ४१ बलमा ४ चौका र ४ छक्का सहित ६४ रनको इनिङ खेलेपनी टोलीलाई जित दिलाउन सकेनन् ।
यस्तै कप्तान केएल राहुल मले ४४ बलमा ४ चौका र २ छक्का सहित ५८ रन बनाए । दीपक हुडाले १३ बलमा २६ रनको विष्फोटक इनिङ खेले । अन्य ब्याटर भने चल्न सकेनन् ।
ओपनर क्विन्टन डीककले ४ रन मात्र बनाए । यस्तै देवडट पडीकल शून्यमै आउट भए । आयुष बडोनीले १ र मार्कस स्टोईनिसले ३ रन मात्र बनाए ।
राजस्थानका लागि ट्रेन्ट बोल्टले २ तथा नान्द्रे बर्गर, रविचन्द्रण आश्विन, युज्वेन्द्र चहल र सन्दिप शर्माले समान १-१ विकेट लिए ।
त्यसअघि जयपुरमा टस जितेर पहिले ब्याटिङ रोजेको राजस्थानले निर्धारित २० ओभरमा ४ विकेट गुमाएर १९३ रन जोड्यो । राजस्थानका लागि कप्तान सञ्जु स्यामसनले ५२ बलमा ३ चौका र ६ छक्का सहित सर्वाधिक ८२ रनको अविजित इनिङ खेले ।
यस्तै रियान परागले २९ बलमा ४३ रन जोडे भने यस्यश्वि जैसवालले २४ रन बनाएर आउट भए । ध्रुव जुरेलले १२ बलमा २० रन बनाए । जोस बटलरले ११ तथा शिम्रन हेटमायरले ४ रन जोडे ।
लखनऊका लागि नवीन उल-हकले २ तथा मोहसिन खान र रवि विश्ननोईले १-१ विकेट लिए ।
आईपिएलमा आजको दोस्रो खेलमा मुम्बई इण्डियन्स र गुजरात टाइटन्सको खेल जारी छ । मुम्बई टस जितेर फिल्डिङ गरिरहेको छ ।


November 7, 2025
काठमाडौं (हाम्रो खेलकुद)- नेपालले हङकङ सिक्सेसको आफ्नो पहिलो खेलमा खेलमा पराजित भएको छ। नेपाल अफगानिस्तानसँग १७ रनले पराजित भएको छ। जितका लागि १ सय १३ रनको लक्ष्य पछ्याएको नेपालले ६ ओभरमा २ विकेट गुमाएर ९५ रन मात्र बनाउन सक्यो । ओपनर सन्दीप जोराले अर्धशतक बनाएपनि नेपालले जित निकाल्न सकेन । १४ बलमा ८ छक्का र […]


November 7, 2025
काठमाडौं (हाम्रो खेलकुद)- नेपालले हङक सिक्सेसमा अफगानिस्तानबाट १ सय १३ रनको लक्ष्य पाएको छ। टस जितेर पहिले ब्याटिङ गरेको अफगानिस्तानले ५ विकेट गुमाउँदै १ सय १२ रन बनाएको छ। नेपालका लागि राशिद खानले ह्याट्रिकसहित ४ विकेट लिए। अर्को विकेट लोकेश बमले लिए।


November 6, 2025
काठमाडौं (हाम्रो खेलकुद)- साविक विजेता जनकपुर बोल्ट्सले कलाकार निखिल उप्रतीलाई नेपाल प्रिमियर लिग (एनपिएल ) सिजन २ का लागि आफ्नो ‘गुडविल एम्बासडर’ बनाएको छ । यो साझेदारीले खेल, कला र प्रेरणाको शक्तिलाई एकै ठाउँमा जोड्दै जनकपुर बोल्ट्सको ब्रान्ड र पहिचानलाई अझ सशक्त बनाउने विश्वास टोलीले व्यक्त गरेको छ । चन्द्रागिरीबाट प्याराग्लाइडिङ स्टन्ट गराउदै जनकपुर बोल्ट्सले […]