default_image

1 month ago

April 14, 2024

अकिबको ह्याट्रिकमा ओमानले कम्बोडियालाई हरायो

3485 views

0 Bookmark

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ ।

अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । जितका लागि १ सय ५५ रनको विशाल लक्ष्य पछ्याउने क्रममा कम्बोडियाले ११ ओभरमा ७ विकेट गुमाएर ९१ रन मात्र जोड्न सक्यो ।

ओमानका अकिब इल्यासले ह्याट्रिक लिँदै कम्बोडियाको मध्यक्रमलाई ध्वस्त पारेका थिए । अकिबले छैटौं ओभरको चौथो बलमा विमुक्ति विराजलाई क्याच गराएपछि पाचौं बलमा एटिएन ब्युक्स र अन्तिम बलमा शर्वन गोदारालाई बोल्ड गरे ।

कम्बोडियाका कप्तान लुक्मन बटले सर्वाधिक ४१ रनको योगदान दिए । उनले २१ बलमा १ चौका र ४ छक्का प्रहार गरे । ओपनरद्वय उदय हथिन्जरले १८ तथा राम शरणले १२ रनको योगदान दिए । विमुक्तिले २ रन जोड्दा लक्षित गुप्ताले खाता खोल्न पाएनन् । ओमनाका अकिबले ४, मेहरान खानले २ तथा जिशान मकसुदले १ विकेट हात पारे ।

त्यसअघि ओमानले ११ ओभरमा ६ विकेट गुमाउँदै १ सय ५४ रन जोड्यो । ओपनर नसीम खुसीले २७ बलमा ६९ रनको विष्फोटक इनिङ खेले । उनले २७ बलमा ६ चौका र ६ छक्का प्रहार गरेका थिए । उनी आठौं ओभरमा उत्कर्ष जेनबाट बोल्ड भए ।

तल्लोक्रममा रफी उल्लाहले ८ बलमा २ चौका र २ छक्कासहित २३ रन जोडे । ओपनर कश्यप प्रजापति ८ रन र कप्तान जिष्ण मक्सुद ८ रनमा आउट भए । अकिब इल्यासले १०, आयान खानले १६ तथा खालिद केलले १९ रन जोडे । कम्बोडियाका लागि शर्वन गोदारा, उत्कर्ष जेन र विमुक्ति विराजले २-२ विकेट हात पारे ।

आज हुने दोस्रो खेलमा समूह ए तर्फ हङकङ र कतार खेल्दैछन् । पहिलो खेलमा हङकङले कतारलाई हराउँदा साउदी अरब मलेसियासँग पराजित भएको थियो ।

समूह ए मा नेपालको ४ अंक हुँदा हङकङ र मलेसिया २-२ तथा साउदी र कतार पहिलो अंकको खोजीमा छन् । यता समूह बी मा यूएई र ओमानको ४-४ अंक हुँदा कुवेतको २ तथा कम्बोडिया र बहराइनले अंकविहिन छन् ।

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

May 18, 2024

एपिएफ अपराजित रहँदै च्याम्पियन 

काठमाडौँ (हाम्रो खेलकुद) – नेपाल एपिएफ क्लब अपराजित रहँदै चौथो संस्करणको ललितपुर मेयर्स महिला टि-२० च्याम्पियनसिप २०८१ को उपाधि जितेको छ । शनिवार भएको फाइनलमा सुदुरपश्चिम प्रदेश माथि २ रनको रोमान्चक जित दर्ता गर्दै एपिएफले चौथो संस्करणमा चौथो पटक नै उपाधि जितेको हो । अन्तिम दुई ओभरमा २९ रन चाहिएको अवस्थामा सुदुरकी कविता जोशीले राजमती […]

May 17, 2024

सुदुरपश्चिम ललितपुर मेयर्स कपको फाइनलमा

काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]

Success

Thank you for your time.