default_image

4 weeks ago

April 24, 2024

कोशीलाई हराए पनि गण्डकी पनि बाहिरियो

233 views

0 Bookmark

काठमाडौं (हाम्रो खेलकुद) – गण्डकी प्रदेशले वीर गणेशमान सिंह राष्ट्रिय टी–ट्वान्टी च्याम्पिनसिपमा पुछारमा रहेको कोशी प्रदेशलाई बुधबार ४ विकेटले पराजित गरेको छ ।

गण्डकीको यो दोस्रो जित हो । जितका बाबजुद गण्डकी लिग चरणबाटै बाहिरिसकेको छ । लगातारको पाँचौ हार बेहोरेको कोशीले अंकको खाता खोल्न सकेको छैन । कर्णाली पनि लिग चरणबाटै बाहिरिएको छ ।

जितको लागि १सय ५६ रनको लक्ष्य पछाएको गण्डकीले एक बल अगाडि ६ विकेटको नोक्सानीमा लक्ष्य पूरा गर्यो । ओपनर इश्वर क्षेत्री र अर्जुन कुमालले पहिलो विकेटको लागि ५० रनको साझेदारी गर्दै मध्यम सुरूवात दिलाए ।

अर्जुन २४ रनमा र इश्वर २५ रनमा आउट भए । त्यसपछि दिनेश बुढामगरले सर्वाधिक ३३ रन बनाए । दीपक डुम्रे १८ र अमृत गुरुङ १२ रनमा आउट हुँदा गण्डकी संकटमा परेको थियो ।

तर विपिन खत्री र अर्जुन रायमाझीले सुझबुझपुर्ण ब्याटिङ गर्दै गण्डकीलाई जित दिलाए । उनीहरूले नटआउट ४० रनको साझेदारी गरे। अन्तिम ओभरमा जितको लागि ६ रन आवश्यकता थियो । एक वाइड सहित पहिलो ३ बलमा ६ रन मात्र बन्यो । यसपछि पाँचौं र छैटौं बलमा विपिनले लगातार दुई चौका प्रहार गरे र टोलीलाई एक बल अगाडि ४ विकेटको जित दिलाउन सफल रहे । बलिङमा प्रकाश कार्कीले २ विकेट लिए ।

त्यसअघि पहिले ब्याटिङ गरेको कोशी प्रदेशले २० ओभरमा ५ विकेट गुमाउँदै १ सय ५५ रन बनायो । ओपनरद्वय मिनास थापा र सोनु अन्सारीले राम्रो सुरुवात दिलाए । उनीहरूले पहिलो विकेटको लागि ७० रनको साझेदारी गरे ।

३५ बल खेल्दै ६ चौका सहित ४४ रन बनाएर सोनु सुबाश भण्डारीद्वारा कट एण्ड बोल्ड भए । यस्तै मिनासले ४४ रन बटुले । उनले यो क्रममा ६ चौका र १ छक्का प्रहार गरे । त्यसपछि कप्तान अंकित सुवेदीले ३२ रन, श्रवण यादव नटआउट २१ रनमा क्रिजमा रहे ।

बलिङमा सुबाश भण्डारीले ४ ओभर बलिङ गर्दै ३० रन खर्चेर ३ विकेट लिए। विपिन खत्री र अमृत गुरुङले १÷१ विकेट झारे ।
६ खेलमा गण्डकीले मात्र ४ अंक जोड्न सक्यो र प्रतियोगिताबाट बाहिरिएको हो । कोशीले भने अंकको खाता खोल्न नै सकेको छैन । उसको यो लगातार पाँचौ हार हो ।

अब कोशीले लिग चरणको अन्तिम खेलमा कर्प्रणालीको देशको सामना गर्नेछ । त्यसमा जितेपनि कोशी अंक तालिकाको पुछारमा नै रहनेछ । ७ प्रदेशबीचको प्रतिस्पर्धामा लिगको शीर्ष दुई टोलीले उपाधिको लागि फाइनल खेल्ने तालिका ।

कोशी प्रदेश हुनुपर्नेमा अन्यथा भएकोले सच्चाइएको छ। -सम्पादक

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.