default_image

4 weeks ago

April 24, 2024

लुम्बिनीले सुदूरपश्चिमलाई हरायो

598 views

0 Bookmark

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बुधबार लुम्बिनी प्रदेशले सुदूरपश्चिम प्रदेशलाई २३ रनले हराउँदै फाइनलमा पुग्ने संभावना कायमै राखेको छ। लुम्बिनीको जितमा आकाश त्रिपाठीले ६७ रनको पारी खेले।

१ सय ३८ रनको विजय लक्ष्य पछाएको सुदूरपश्चिम १८.३ ओभरमा मात्र १ सय १८ रनमा अल आउट भयो। सुदूरपश्चिमले कुनैपनि समयमा ठूलो साझेदारी बनाउन सकेन‌ भने कुनै पनि खेलाडी क्रिजमा जम्न सकेनन्।

खडग बोहोराले सर्वाधिक २८ रन बनाउँदा नरेन भट्टले १९, नारायण जोशीले १५ तथा वसन्त खत्री र वसन्त कार्कीले १०/१० रन बनाए। अन्यले दोहोरो अंकमा रन छुन सकेनन्।

बलिङमा लुम्बिनीका कप्तान देव खनालले ३ तथा कृष्ण कार्की र नर सार्कीले समान २ विकेट लिए।

त्यसअघि टस जितेर पहिले ब्याटिङ गरेको लुम्बिनी प्रदेशले २० ओभरमा ७ विकेट गुमाउँदै १ सय ३७ रन बनायो। ओपनर मृनाल गुरूङ १ रनमा र देवलाई १० रनमा हेमन्त धामीले आउट गरे।

यतिखेर लुम्बिनीले २ विकेटको नोक्सानीमा मात्र १७ रन बनाएको थियो। लुम्बिनीको इनिङसलाई आकाश त्रिपाठीले सम्हाले। उनी क्रिजमा टिके र अर्धशतक बनाए। ५२ बल खेल्दै ५ चौका र २ छक्का सहित ६७ रनको पारी खेले। यस्तै अभिषेक गौतमले १५ र सुनिल भण्डारीले १२ रन बनाउँदा कृष्ण कार्की नटआउट १२ रनमा रहे्।

बलिङमा सुदूरपश्चिमका हेमन्तले ४ ओभरमा २९ रन खर्चेर ३ विकेट लिए। यस्तै शेर मल्लले २ तथा नारायण जोशी र नरेन भट्टले १/१ विकेट झारे।

लिगको सबै ६ खेल खेलिसकेको लुम्बिनीले ४ जित सहित ८ अंक बनाएको छ। लुम्बिनीले भन्दा एक खेल कम खेलेको बागमतीले ८ अंक सहित शीर्षस्थानमा छ। यसैगरी मधेश र कर्णालीसँग समान ६ अंक छ। ती दुई टोलीले एक-एक खेल खेल्न बाँकी छ। पराजित सुदरपश्चिमसँग ४ खेलबाट ४ अंक छ। सुदूरले २ खेल खेल्न बाँकी छ।

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.