default_image

1 week ago

May 11, 2024

कृतिकाको उच्च प्रदर्शनमा मेयर्स-११ को जित

427 views

0 Bookmark

काठमाडौं (हाम्रो खेलकुद) – स्पिनर कृतिका मरासिनीको उच्च बलिङ प्रदर्शनमा ललितपुर मेयर्स कप २०८१ महिला क्रिकेट प्रतियोगितामा आयोजक मेयर्स-११ ले विजयी सुरुवात गरेको छ ।

मेयर्स-११ ले बागमतीलाई ७ विकेटले हराएको हो । बागमती १५ औं ओभरमा ५२ रनमा अलआउट हुँदा मेयर्सले सहज लक्ष्य पाएको थियो ।

कृतिकाले ४ बलमा लगातर ४ विकेट लिँदै बागमतीको इनिङ धराशायी बनाएपछि टस जितेर पहिलो ब्याटिङ रोजेको बागमती सामान्य योगफलमा सिमित भएको थियो । शीर्षक्रमका सुरुवाती ३ विकेट सरस्वती कुमारी चौधरीले लिएकी थिइन् ।

दोस्रो ओभरमा हेलिशा गुरुङ र सोनी पाख्रिनको विकेट लिएकी उनले चौथो ओभरमा यशोदा विष्टलाई आउट गरिन् । बाग्मतीका लागि कप्तान अश्मिना कर्माचार्यले २६ बलमा ३ चौकासहित २० रन जोडिन् । बागमतीको इनिङमा अश्मिनाले मात्र चौका प्रहार गरिन् । कन्चन श्रेष्ठले ११ रन जोडिन् ।

कृतिकाले १२ औं ओभरको चौथो बलमा खुसी डंगोल, पाँचौ बलमा विपिशा शाही र अन्तिम बलमा मनिषा उपाध्यायको विकेट लिइन् । १४ औं ओभरको पहिलो बलमा अश्मिनालाई बोल्ड गर्दै कृतिकाले ४ बलमा ४ विकेट लिइन् ।

जवाफमा मेयर्स-११ ले १४ औं ओभरमा लक्ष्य पूरा गर्यो । कप्तान पुजा महतोले ३० बलमा ३ चौकासहित नटआउट २३ रन जोडिन् । लक्ष्मी चौधरीले ७ बलमा ३ चौकासहित १२ रन बनाएकी थिइन् । दुई रनआउट हुँदा एकमात्र विकेट खुसी डंगोलले लिइन् ।

प्रतियोगितामा ५ टोलीले सिंगल राउण्ड रोबिनमा खेल्नेछन् । शीर्ष २ टोलीले अर्को शनिबार हुने फाइनलमा खेल्नेछन् ।

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

May 19, 2024

पञ्जाबलाई हराउँदै हैदराबाद दोस्रो स्थानमा

एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो । पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक […]

Success

Thank you for your time.