default_image

5 days ago

May 15, 2024

बागमतीको पहिलो जित 

237 views

0 Bookmark

काठमाडौँ (हाम्रो खेलकुद) – टियु क्रिकेट मैदानमा जारी ललितपुर मेयर्स कपमा बागमती प्रदेशले पहिलो जित दर्ता गरेको छ । पहिलो जित दर्ता गर्ने क्रममा बागमतीले वर्षाले प्रभावित खेलमा जितविहिन कोशी प्रदेशलाई ८ विकेटले हराएको हो ।

ढिलो सुरुवात भएका कारण १३ ओभरमा घटाइएको खेलमा बागमतीले कोशीले पस्किएको ६४ रनको लक्ष्य ११.२ ओभरमा २ विकेट गुमाएर पूरा गर्यो ।

बागमतीका लागि ओपनर यशु पाण्डेले २३ बलमा ५ चौका प्रहार गर्दै सर्वाधिक २६ रन बनाइन् । यस्तै कन्चन श्रेष्ठ र खुशी डंगोल समान ११-११ रन बनाएर अविजित रहे । अर्की ओपनर हेलिशा गुरुङले १० रन बनाइन् ।

कोशीका लागि हिरणमाए रोय र अप्सरी बेगमले समान १-१ विकेट लिए ।   

त्यसअघि टस हारेर पहिला ब्याटिङ गरेको कोशीले निर्धारित १३ ओभरमा ६ विकेट गुमाएर ६३ रन मात्र बनाउन सक्यो । कोशीका लागि कप्तान अप्सरी बेगमले ३८ बलमा २ चौका र १ छक्का प्रहार गर्दै ३५ रन जोडिन् । कोशीका लागि दोस्रो ठुलो स्कोर सबनम राईको ८ रन रहेको थियो ।

बागमतीका लागि खुशी डंगोल र मनिषा उपाध्यायले समान २-२ विकेट लिए ।      

जित सहित बागमतीको ३ खेलमा २ अंक भएको छ भने पराजित कोशी अंकविहिन छ । 

एपिएफको ३ खेलमा ६ अंक सहित एक खेल अगावै फाइनल प्रवेश गरिसकेको छ । दोस्रो स्थानको सुदूरपश्चिमले २ खेलमा ४ अंक नै बटुलेको छ । ललितपुरको ३ खेलमा २ अंक रहेको छ । 

प्रतियोगितामा बिहिवार दुई खेल हुँदै छन् । ९:३० बजे सुरु हुने पहिलो खेलमा एपिएफ र सुदुरपश्चिम प्रदेश भिड्ने छन् भने दिनको १:३० बजे हुने खेलमा ललितपुर मेयर्स-११ र कोशी प्रदेश खेल्ने छन् ।  

५ टोली सम्मिलित यस प्रतियोगिता सिंगल राउण्ड रोबिनका आधारमा हुँदैछ भने लिग चरणका शीर्ष दुई टोलीले उपाधिका लागि आउँदो शनिवार खेल्ने छन् ।       

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

May 19, 2024

पञ्जाबलाई हराउँदै हैदराबाद दोस्रो स्थानमा

एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो । पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक […]

Success

Thank you for your time.