एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो ।

आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र फराज अक्रमले समान २७-२७ रन बनाए भने ब्रा बेनेटले १० रन बनाए ।

भारतका लागि मुकेश कुमारले ४ विकेट लिए भने शिभम दुबेले २ विकेट लिए । वाशिंटन सुन्दर र अभिषेक शर्माले १-१ विकेट लिए ।

त्यसअघि हरारेमा टस हारेर पहिला ब्याटिङ गरेको भारतले निर्धारित २० ओभरमा ६ विकेटको क्षतिमा १६७ रन बनाएको थियो ।

भारतका लागि सञ्जु स्यामसनले ४५ बलमा सर्वाधिक ५८ रन बनाए । शिभम दुबेले २६, रियान परागले २२, अभिषेक शर्माले १४, शुभमन गीलले १३, यशस्वी जैसवालले १२र रिन्कु सिंहले ११ रन बनाए ।

जिम्बाब्वेका लागि ब्लेसिङ मुजराबानीले २ विकेट लिए भने सिकन्दर राजा, एनगार्भा र ब्रेन्डन मभुटाले १-१ विकेट लिए ।

भारतले शृंखलाको पहिलो खेलमा हार बेहोरेर त्यसपछिका सबै खेल जितेको छ । भारतको आउँदो शृंखला जुलाई अन्तिममा श्रीलंकामा श्रीलंकामा नै हुनेछ ।