काठमाडौं(हाम्रो खेलकुद) – सिद्धार्थ बैंक प्रिमियर लिग(एनपिएल) को दोस्रो खेलमा काठमाडौं गुर्खाजविरुद्ध चितवन राइरोजले टस जितेको छ ।

टियु क्रिकेट मैदान कीर्तिपुरमा चितवनका कप्तान कुशल मल्लले टस जितेर बलिङ रोजेका हुन् ।

सोमवारको पहिलो खेलमा काठमाडौंका कप्तान करण केसीले टस हारेर ब्याटिङ गर्दैछन् ।

शनिवारबाट सुरु लिगमा आज दुई खेल हुदैछ । आज हुने दोस्रो खेलमा कर्णाली याक्स र जनकपुर बोल्ट्स खेल्दैछन् । कर्णाली र जनकपुरबीचकाे खेल दिउँसाे १ः१५ बजे सुरु हुनेछ । पहिलो खेलमा विराटनगरमाथि ८ विकेटको सहज जित हासिल गरेको जनकपुरले जितको निरन्तरताको लागि प्रयास गर्नेछ । उता, एनपिएलकै ठूलो नाम मध्येका एक शिखर धवनलाई अनुबन्ध गरेको कर्णाली पनि जितबाट सुरुवात गर्न चाहन्छ।

जनकपुर अनिल शाहको र कर्णाली भने सोमपाल कामीको कप्तानीमा रहेको छ । पुस ६ गतेसम्म चल्ने एनपिएलमा ८ टोलीको सहभागिता छ । राउन्ड रोबिन लिगपछि शीर्ष ४ टोली प्लेअफमा प्रवेश गर्नेछन् ।

चितवन राइनोजको प्लेईङ-११
कुशल मल्ल (कप्तान), रिजन ढकाल, शरद भेषवाकर, विपिन रावल (विकेटकिपर), दीपक बोहरा, अमरसिंह राउटेला, रवि बोपारा, हसन इशाखिल, लुक बेन्केनस्टेइन, सोहेल तन्वीर, सन्तोष कार्की

काठमाडौं गुर्खाजको प्लेईङ -११

करण केसी (कप्तान), भीम सार्की, साहव आलम, शंकर राना, रसिद खान, सुमित महर्जन, दीपेश कँडेल, माइकल लेभिट, स्टेफन स्किनाजी (विकेटकिपर), जेरार्ड इरास्मस, डान डाउथवेट