काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा जनकपुर बोल्ट्सले पोखरा एभेन्जर्सविरुद्ध टस जितेको छ ।

टियु क्रिकेट मैदान कीर्तिपुरमा जनकपुरका कप्तान अनिल शाहले टस जितेर बलिङ रोजेका हुन् । सुरुवाती दुवै खेलमा जितेको जनकपुर त्यहि लयलाई निरन्तरता दिन चाहन्छ ।

जनकपुरले पहिलो खेलमा विराटनगर किंग्स तथा दोस्रो खेलमा कर्णाली याक्सलाई समान ८ विकेटले हराएको थियो ।

पोखरा आफ्नो पहिलो खेलमा पराजित भएको थियो।पोखरा कुशल भुर्तेलको र जनकपुर अनिल शाहको कप्तानीमा रहेको छ ।

पोखराले मंगलबार चितवन राइनोजसँग खेलमा खेलेको टिमबाट किरण ठगुन्ना र बास डि लिडेलाई बेन्चमा राखेको छ । पोखराका आन्द्रेस गौस र आकाश चन्दले प्लेईङ११ मा मौका पाएका छन् ।

पोखरा एभेन्जर्सको प्लेईङ-११

कुशल भुर्तेल, दिलिप नाथ, सागर ढकाल, दिनेश खरेल, माईकल लिस्क, नारायण जोशी, आकाश चन्द, विपिन खत्री, आन्द्रस गौस, रेमन रिफर, म्याट क्रिट्ली

जनकपुरले सोमवार कर्णाली याक्सविरुद्धको खेलमा खेलेका शेर मल्ललाई बेन्चमा राखेको छ । बुधवार मात्र यु १९ एसिया कप खेलेर पर्किएका हेमन्त धामीलाई खेलमा मौका दिएको छ । हेमन्त यु १९ को नेपाली टिमका कप्तान रहेका थिए ।

जनकपुर बोल्ट्सको प्लेईङ-११

अनिल शाह, आसिफ शेख, लाहिरु मिलान्था, हर्ष ठाकर, जेमी निशम, शुभ कसांकार, मोहम्मद मोहसिन, तुल मगर, हेमन्त धामी, किशोर महतो र ललित राजवंशी