2 weeks ago
January 22, 2025
काठमाडौं(हाम्रो खेलकुद) – जय नेपाल कपमा बुधवार मध्य पश्चिम र बिहार विश्वविद्यालय विजयी भएका छन्।
कीर्तिपुर स्थित टियु क्रिकेट मैदानमस बुधवारको दोस्रो खेलमा मध्य पश्चिमले काठमाडौं विश्वविद्यालयलाई १ सय ३४ रनले पराजित गरेको हो ।
१ सय ९३ रनको लक्ष्य पछ्याएको काठमाडौंले १४.२ ओभरमा ५८ रन जोड्दै अल आउट भयो । काठमाडौंका लागि दिवस सुवेदीले २४ बलमा सर्वाधिक ३१ रन बनाए । कप्तान इशान पाण्डेले ८ बलमा १० रन जोडे ।
त्यसअघि पहिले ब्याटिङ गरेको मध्य पश्चिमले निर्धारित २० ओभरमा ८ विकेट गुमाएर १ सय ९२ रन बनाएको थियो ।
मध्यपश्चिमका लागि राजकुमार शाहले ३८ बलमा सर्वाधिक ६२ रन जोडे । सुवास भण्डारीले २१ बलमा ३९ रन बनाए।
पहिलो खेलमा भारतको बिहार विश्वविद्यालयले नेपालको पूर्वाञ्चल विश्वविद्यालयलाई १ सय ७८ रनको फराकिलो अन्तरले पराजित गरेको छ ।
बिहारले दिएको २ सय १३ रनको लक्ष्य पछ्याएको पुर्वाञ्चलले ११.४ ओभरमा अल आउट हुदै ३४ रन मात्र जोड्न सक्यो ।
पुर्वाञ्चलका लागि कुनै पनि ब्याटरले दोहोरो अंकमा रन जोड्न सकेनन् । अमित मण्डलले बनाएको ९ रन नै सर्वाधिक व्यक्तिगत स्कोर रह्यो ।
त्यसअघि पहिले ब्याटिङ गरेको बिहारले निर्धारित २० ओभरमा ६ विकेट गुमाएर २ सय १२ रन जोड्यो ।
बिहारका लागि चन्द्र प्रकाशले ४९ बलमा सर्वाधिक ७१ रन जोडे । विशाल राजले १७ बलमा ४४ रन बनाए ।
नेपाल विद्यार्धी संघले आयोजना गरेको प्रतियोगितामा नेपालका ४, भारतका ३ तथा बंगलादेशको १ विश्वविद्यालयको सहभागिता छ ।
प्रतियोगिताको खेलतालिका
February 7, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजको अन्तिम खेलमा थाइल्याण्डविरुद्ध नेपाल सामान्य योगफलमा समेटिएको थियो । जारी खेलमा टस जितेर पहिले ब्याटिङ गरेको नेपालले निर्धारित २० ओभरमा ७ विकेट गुमाएर ८१ रन मात्र जोड्न सक्यो । नेपालका लागि ओपनर सम्झना खड्काले सर्वाधिक १७ रन जोडिन् । उनले २९ बलमा १ चौका प्रहार गरिन् […]
February 7, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजको अन्तिम खेलमा आज थाइल्याण्डविरुद्ध नेपालले टस जितेको छ । कीर्तिपरस्थित टियु क्रिकेट मैदानमा टस जितेर नेपालकी कप्तान इन्दु बर्माले ब्याटिङ रोजेकी छिन् । नेपाली टोलीमा २ परिवर्तन भएको छ । बुधवार नेदरल्याण्ड्ससँगको खेलमा टिममा रहेकी ममता चौधरी र रोमा थापा बेन्चमा रहेका छन् । यस खेलमा […]
February 7, 2025
काठमाडौं(हाम्रो खेलकुद) – महिला त्रिकोणात्मक टि ट्वान्टी आई सिरिजको अन्तिम खेलमा आज नेपाल र थाइल्याण्डबीच प्रतिस्पर्धा हुँदैछ । कीर्तिपुरस्थित टियु क्रिकेट मैदानमा खेल दिउँसो १२ः१५ बजे सुरु हुनेछ । नेपालले सिरिजमा अहिलेसम्म खेलका पाँचै खेलमा हार बेहोरेको छ । नेपाल पहिलो, तेस्रो र पाँचौ खेलमा नेदरल्याण्ड्ससँग र दोस्रो र चौथो खेलमा थाइल्याण्डसँग पराजित भएको थियो […]