4 months ago
August 1, 2025
एजेन्सी – वेस्ट इण्डिजले अन्तर्राष्ट्रिय क्रिकेटमा अर्को हार बेहोरेको छ । पाकिस्तानसँगको टि ट्वान्टी आईमा विहीबार वेस्ट इण्डिज १४ रनले पराजित भएको छ ।
वेस्ट इण्डिजको यो लगातार नवौं हार हो। यसअघि वेस्ट इन्डिज अस्ट्रेलियासँग ३ टेस्ट र ५ टि ट्वान्टी आईमा पराजित भएको थियो । गत जुनमा आयरल्याण्डलाई पराजित गरे यता वेस्ट इण्डिज जितविहिन रहेको छ ।
अमेरिकाको फ्लोरिडामा भएको खेलमा पाकिस्तानले ३ टि ट्वान्टी आई सिरिजमा १-० को अग्रता लिएको छ ।
जितका लागि १ सय ७९ रनको लक्ष्य पछ्याएको वेस्ट इण्डिजले निर्धारित २० ओभरमा ७ विकेट गुमाएर १ सय ६४ रन मात्र बनाउन सक्यो ।
वेस्ट इण्डिजका लागि ओपनरद्वय जोनसन चार्ल्स र जिवाल एन्ड्रुले समान रुपमा सर्वाधिक ३५ रन जोडे ।
जेसन होल्डर १२ बलमा ४ छक्काका सहित ३० रनमा अविजित रहे । शमार जोसेफ २१ रनमा अविजित रहँदा रोमारियो शेफर्ड १२ तथा शेरफान रदरफर्ड ११ रनमा आउट भए ।
पाकिस्तानका मोहम्मद नवाजले ३, सायम आयुबले २ तथा शाहिन शाह अफ्रिदी र सफियान मुकिमले समान १ विकेट लिए ।
त्यसअघि टस हारेर पहिले ब्याटिङ गरेको पाकिस्तानले २० ओभरमा ६ विकेट गुमाएर १ सय ७८ रनको योगफल तयार गरेको थियो ।
पाकिस्तानका लागि ओपजर सायम आयुबले ३८ बलमा ५ चौका र २ छक्का सहित ५७ रनको अर्धशतकीय इनिङ खेलेका थिए । फखर जमान २४ बलमा २८, हसन नवाज २४, फहिम असरफ १५ तथा सहिबाजदा फर्हान १४ रनमा आउट भए ।
वेस्ट इण्डिजका शमार जोसेफले ३ विकेट तथा जेसन होल्डर, अकिल होसेन र रोमारियो शेफर्डले समान १-१ विकेट लिए ।
दुई देशबिचको दोस्रो टि-ट्वान्टी आई आइतवार बिहान हुनेछ ।
December 7, 2025
काठमाडौं (हाम्रो खेलकुद) – नेपाल प्रिमियर लिग (एनपीएल) अन्तर्गत लिग चरणको अन्तिम खेलमा कर्णाली याक्सले जनकपुर बोल्ट्ससामु १ सय ३० रनको मध्यम लक्ष्य प्रस्तुत गरेको छ । कीर्तिपुरस्थित त्रिवि क्रिकेट मैदानमा जनकपुरले टस जितेर फिल्डिङ रोजेपछि ब्याटिङ गरेको कर्णालीले निर्धारित २० ओभरमा ९ विकेटको क्षतिमा १ सय २९. रनको योगफल तयार पारेको हो । कर्णालीका […]
December 7, 2025
काठमाडौं (हाम्रो खेलकुद)- नेपाल सुपर लिग (एनपिएल) को दोस्रो सिजन अन्तर्गत लिग चरणको अन्तिम खेल आज कर्णाली याक्स र जनकपुर बोल्ट्सबीच हुँदैछ। टस जितेर जनकपुरले फिल्डिङ रोजेको छ। अब कर्णालीले पहिला ब्याटिङ गर्नेछ। साविक विजेता रहेको जनकपुर छैटौं खेलको समाप्तिमा २ अंकका साथ अंक तालिकाको पुछारमा छ। समान २ अंक जोडेको कर्णाली सातौं स्थानमा छ। […]
December 6, 2025
एजेन्सी – भारतले तेस्रो तथा निर्णायक एकदिवसीय अन्तर्राष्ट्रिय क्रिकेट (ओडिआई) मा दक्षिण अफ्रिकालाई ९ विकेटले पराजित गर्दै ३ खेलको सिरिज २–१ ले जितेको छ। २ सय ७१ रनको लक्ष्य पछ्याएको भारतले १० ओभरभन्दा बढी बाँकी छँदै १ खेलाडीको नोक्सानीमा सजिलै जित निकाल्यो। भारतको जितका केन्द्रमा रहे ओपनर यशस्वी जैसवाल । जसले आफ्नो पहिलो ओडिआई शतक […]