एजेन्सी – घरेलु टोली अस्ट्रेलियाले दक्षिण अफ्रिकालाई पहिलो टि ट्वान्टी आईमा १७ रनले हराएको छ।

डार्विन मरेरा ओभलमा भएको खेलमा हराउँदै अस्ट्रेलियाले ३ टि ट्वान्टी आई सिरिजमा १-० को अग्रता बनाएको छ ।

१ सय ७९ रनको लक्ष्य पछ्याएको दक्षिण अफ्रिकाले निर्धारित २० ओभरमा ९ विकेट गुमाएर १ सय ६१ रन मात्र बनाउन सक्यो ।

दक्षिण अफ्रिकी ओपनर रायन रिकल्टनले ५५ बलमा ७ चौका र १ छक्कासहित सर्वाधिक ७१ रन जोडे। ट्रिस्टन स्टब्स २७ बलमा ३७ तथा लुअन टर प्रिट्रोरियस १४ रन बनाए ।

अस्ट्रेलियाका बेन ड्वारशुस र जोस हेजलवुडले समान ३, एडम जाम्पाले २ तथा ग्लेन म्याक्सवेलले १ विकेट लिए ।

त्यसअघि दक्षिण अफ्रिकाले टस जितेर फिल्डिङ रोजेको थियो।पहिले ब्याटिङ गरेको अस्ट्रेलिया निर्धारित २० ओभरको अन्तिम बलमा अलआउट हुँदै १ सय ७८ रन बनायो ।

अस्ट्रेलियाका टिम डेविडले ५२ बलमा ४ चौका र ८ छक्कासहित मा सर्वाधिक ८३ रन जोडे । ८ ओभर भित्र ६ विकेट गुमाएर संकटमा परेको अस्ट्रेलियाका लागि डेविड र बेन ड्वारशुसले ४२ बलमा ५९ रनको साझेदारी गरे ।

ड्वारशुस १९ बलमा १७ रन बनाए । क्यामरुन ग्रिन १३ बलमा ४ चौका र ३ छक्कासहित ३५ जोडे । कप्तान मिचेल मार्श १३, नाथन एलिस १२ रनमा आउट भए ।

दक्षिण अफ्रिकी क्विनी मफाकाले ४, कागिसो रबाडाले २ तथा लुंग्गि एन्गिडी, जर्ज लिन्डे र सेनुरुन मुथुस्वामीले समान १ विकेट लिए । दोस्रो टि ट्वान्टी आई मंगलवार हुनेछ ।