एजेन्सी – घरेलु टोली वेस्ट इण्डिजले दोस्रो ओडिआईमा डर्कवर्थ लुइस पद्दतीमा पाकिस्तानलाई ५ विकेटले हराएको छ ।

ट्रिनिडाडमा सोमवार बिहान सकिएको खेल घरेलु टोलीले जितेपछि ३ ओडिआई सिरिज १-१ को बराबरीमा पुगेको छ । वर्षाका कारण खेल ३७ ओभरमा घटाइएको थियो ।

१ सय ७२ रनको लक्ष्य वेस्ट इण्डिजले ३३.२ ओभरमा ५ विकेट गुमाएर पूरा गर्यो । टोलीकस रोस्टन चेसले ४७ बलमा ४ चौका र २ छक्कासहित अविजित सर्वाधिक ४९ रन बनाए ।

शरफन रादरफोर्ड ३३ बलमा ४ चौका र ३ छक्काको सहयोगमा ४५ रन जोडे । कप्तान शाइ होप ३५ बलमा ३२ तथा केसी कार्टी ४२ बलमा १६ रन बनाए ।

पाकिस्तानका हसन अलि र मोहम्मद नवाजले समान २ तथा अब्रार अहमदले १ विकेट आफ्नो नाममा गरे ।

त्यसअघि ब्रायन लारा क्रिकेट स्टेडियममा टस हारेर ब्याटिङको निम्तो पाएको पाकिस्तानले ३७ ओभरमा ७ विकेट गुमाएर १ सय ७१ रन बनायो ।

टोली हसन नवाज ३० बलमा ३ छक्काको सहयोगमा अविजित ३६ रन जोडे । हुसेन तलत ३२ बलमा ३१, अब्दुल्लाह सफिक २६, सैयम अयुब ३१ बलमा २३ तथा कप्तान मोहम्मद नवाज १६ रन बनाए ।

वेस्ट इण्डिजका जयडेन सेल्सले ३ तथा शेमार जोसेफ, गुणकेश मोटी रोस्टन चेसले समान १ विकेट लिए । तेस्रो तथा निर्णायक ओडिआई मंगलवार हुनेछ ।