एजेन्सी – इंग्ल्याण्ड फेरि पनि कमजोर ब्याटिङका कारण पराजित भएको छ। न्यूजिल्यान्डले वेलिङटनमा भएको तेस्रो तथा अन्तिम ओडिआईमा २ विकेटले जित निकाल्दै सिरिज ३-० ले क्लिन स्विप गरेको छ ।

न्युजिल्यान्डले टस जितेर फिल्डिङ रोजेको थियो। पहिले ब्याटिङ गर्दै इङ्ल्यान्डको शीर्षक्रम फेरि कमजोर सावित भयो ।

जो रुट २ रनमा, कप्तान ह्यारी ब्रुक ६ मा र बेन डकेट ८ मा आउट भए। टोलीले ४४ रन जोड्दा ५ विकेट गुमाइसकेको थियो। जेमी ओभरटनले सम्हालिदै ६८ रन बनाएपछि इंग्ल्याण्डले ४०.२ ओभरमा सबै विकेट गुमाएर २ सय २३ रनमा अलआउट भयो।

न्युजिल्यान्डका ब्ल्यार टिक्नरले ४ र ज्याकब डफीले ३ विकेट लिए।

२ सय २४ रनको लक्ष्य पछ्याउँदै न्यूजिल्यान्ड एक समय १ सय ८७ रन जोड्दा ५ विकेट गुमाएको थियो। तर कप्तान मिचेल सान्टनर (२७) र ड्यारेल मिचेल (४४) आउट भएपछि टोली दबाबमा परेको थियो।

त्यसपछि पनि जाक फाउल्क्स र ब्लेयर टिक्नरले नवौं विकेटमा २७ रनको अविजित साझेदारी गर्दै घरेलु टोलीलाई जिताए।

न्युजिल्यान्डले ४४.४ ओभरमा ८ विकेट गुमाउँदै जित निकालेको थियो। इंग्ल्याण्डका लागि जेमी ओभरटन र साम कुरानले समानले समान २ विकेट लिए।

अब यही टोलीका ७ खेलाडी अस्ट्रेलिया जानेछन् ।‌ जहाँ नोभेम्बर २१ देखि सुरु हुने एशेज सिरिजको तयारी गर्नुपर्नेछ।
ह्यारी ब्रुकको कप्तानीमा ओडिआई टोलीले यो वर्ष १५ मध्ये ११ खेल हारेको छ।