7 years ago
April 14, 2017
धनगढी (हाम्रो खेलकुद) – अघिल्लो खेलमा जित नजिक पुगेर चुकेको पारस खड्काको कप्तानीमा रहेको धनगढी टिम चौराहाले ज्ञानेन्द्र मल्लको कप्तानीमा रहेको सिवाईसी अत्तरियासँग ४० रनको पराजय भोगेको छ। पराजयसंगै चौराहा प्रतियोगिताबाट बाहिरिने सम्भावना बढेको छ। चौराहाको यो लगातार तेस्रो पराजय हो भने अत्तरियाले ४ खेल खेल्दै २ मा जित हासिल गरेपछि प्ले अफमा पुग्ने सम्भावनालाई […]
धनगढी (हाम्रो खेलकुद) – अघिल्लो खेलमा जित नजिक पुगेर चुकेको पारस खड्काको कप्तानीमा रहेको धनगढी टिम चौराहाले ज्ञानेन्द्र मल्लको कप्तानीमा रहेको सिवाईसी अत्तरियासँग ४० रनको पराजय भोगेको छ। पराजयसंगै चौराहा प्रतियोगिताबाट बाहिरिने सम्भावना बढेको छ। चौराहाको यो लगातार तेस्रो पराजय हो भने अत्तरियाले ४ खेल खेल्दै २ मा जित हासिल गरेपछि प्ले अफमा पुग्ने सम्भावनालाई जिवितै राखेको छ ।
१४३ रनको लक्ष्य पछ्याएको चौराहाले निर्धारित २० ओभरमा ९ विकेट गुमाउदै १०२ रन जोड्यो। अत्तरियाका लागि महबुब आलमले गरेको पारीको तेस्रो ओभर निर्णायक रह्यो। आलमले उत्कृष्ट बलिङससंगै आदिल खान, आरिफ शेख र कप्तान पारसलाई रनको खाता नखोल्दै पेभेलियन फर्काएपछि चौराहाको चेजमा ठूलो झट्का लागेको थियो। कप्तान ज्ञानेन्द्र मल्लले सर्ट लेगमा उत्कृष्ट क्याच गर्दै आरिफलाई आउट बनाएपछि आएका पारस आफुले सामना गरेको पहिलो बलमै बोल्ड भएका थिए । महबुबले व्यक्तिगत ३ विकेट लिए ।
लगातार विकेट गुमाएको चौरहाको लागि १०औं नम्बरमा ब्याटिङ गरेका रामनरेश गिरिले शानदार ब्याटिङ गरेपछि चौराहा प्रतियोगिताको कम रनमा सिमित हुनबाट जोगियो। ३८/८को स्थितिमा आएका गिरिले ४ छक्काको मद्धतले २० बलमा ३९ रनको योगदान दिएका थिए। सौरब खनालले ३१ बलमा २३ रन बनाए भने ओपनर अनिल मण्डलले २५ बलमा १९ रन जोडे। चौराहाका अन्य कुनै ब्याट्सम्यानले दोहोरो अंक छुन सकेनन्। आलमसंगै सुरेन्द्र चन्दले पनि ३ विकेट लिएका थिए भने बिनोद लामाको नाममा २ विकेट रह्यो।
टस जितेर पहिलो ब्याटिङ गरेको सिवाईसी अत्तरियाले खेलमा राम्रो सुरुवात गर्दै ४ विकेटको क्षतिमा १४२ रन बनाएको थियो । आफ्नो ब्याटिङ अर्डर परिवर्तन गरेको अत्तरियाका लागि ओपनर रोशन नेपालीले ४४ बलको सामना गर्दै ३२ रनको योगदान दिएका थिए भने दिलिप नाथले १३ रन बनाएका थिए। त्यस्तै तेस्रो नम्बरमा आएका प्रदिप ऐरीले ३१ बलमा २६ रन बनाए । करण केसी र योगेन्द्र सिंह कार्कीको बिच राम्रो साझेदारी बनेपछि अत्तरियाले राम्रो लक्ष्य प्रस्तुत गर्न सफल भयो ।
बिष्फोटक ब्याटिङ गरेका करण १२ बलमा २५ रनमा अविजित रहे भने योगेन्द्र सिंहले ११ बलमा २७ रन जोडे। करण र योगेन्द्रको जोडीले पारीको अन्तिम २० बलमा अत्तरियाका लागि ४७ रन जोडे। टिम चौराहाका लागि सौरभ खनालले २ विकेट लिए भने आरिफ शेख र सुसान भारिले १-१ विकेट लिएका थिए ।
खेलको म्यान अफ द म्याच सीवाईसी अत्तरियाका महबुब आलम भए।
April 19, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत पहिलो सेमिफाइनलमा नेपाल र यूएई खेल्दैछन् । खेल नेपाली समय अनुसार ११:४५ बजे सुरु हुनेछ । यूएईका कप्तान मोहमद वासिमले टस जितेर पहिलो फिल्ड गर्ने निर्णय लिएका छन् । नेपालले पहिलो ब्याटिङ गर्नेछ । नेपालले पछिल्लो खेलबाट एक परिवर्तन गरेको छ । साउदी अरबविरुद्ध खेलेका […]