7 years ago
April 15, 2017
धनगढी – एस.एस.पी मैदानमा जारी धनगढी प्रिमिएर लिगको छैठौं दिनको पहिलो खेलमा बिराटनगर किङ्सले कन्चनपुर आइकोनिकलाई ५ विकेटले पराजित गर्दै प्लेअफमा आफ्नो स्थान सुरक्षित गरेको छ। टस जितेर कन्चनपुरलाई ब्याटिङको लागि निम्तो दिएको बिराटनगरले ओपनर सगर पुन र सुनिल धमलालाई चौथो ओभरसम्ममा पेभेलियन फर्काएको थियो। सुनिल धमला पहिलो ओभरमा सुशील कँडेलको बलमा किपरबाट समातिए भने […]
धनगढी – एस.एस.पी मैदानमा जारी धनगढी प्रिमिएर लिगको छैठौं दिनको पहिलो खेलमा बिराटनगर किङ्सले कन्चनपुर आइकोनिकलाई ५ विकेटले पराजित गर्दै प्लेअफमा आफ्नो स्थान सुरक्षित गरेको छ।
टस जितेर कन्चनपुरलाई ब्याटिङको लागि निम्तो दिएको बिराटनगरले ओपनर सगर पुन र सुनिल धमलालाई चौथो ओभरसम्ममा पेभेलियन फर्काएको थियो। सुनिल धमला पहिलो ओभरमा सुशील कँडेलको बलमा किपरबाट समातिए भने सागर पुन चौथो ओभरमा जितेन्द्र मुखियाको शिकार बने। हसिम अन्सारी र कुशल भुर्तेलले तेश्रो विकेटका लागि ४५ रनको साझेदारी गर्दै टोलीलाई उकासेका थिए।
तर कुशल भुर्तेल १९ रन बनाउदै सन्दीपको बलमा किपरबाट समातिएपछि कन्चनपुरको पतन सुरु भएको थियो। ललित सिंह भण्डारी पहिलो बलमै आउट हुँदा त्यसपछि आएका सिद्धान्त लोहनी पनि २ बल खेल्दै शुन्यमा पेभेलियन फर्के। हसिम अन्सारीपनि लगत्तै सुशील कँडेलको बलमा बोल्ड भए। ५८ रनको स्थितिमा ४ विकेट गुमाएको कन्चनपुरले ८० रनमा आफ्नो सम्पूर्ण विकेट गुमायो। हसिम अन्सारीले सर्वाधिक २७ रनको योगदान दिए भने अन्तिममा आशिष पोखरेलले १० रन जोडेका थिए।
बिराटनगरका सन्दिप लामिछाने र सुशील कँडेलले ४/४ विकेट लिएका थिए भने जितेन्द्र मुखियाको नाममा २ विकेट रह्यो।
८१ रनको सहज लक्ष्य पछ्याएको बिराटनगरलाई सागर पुनको उत्कृष्ट बलिङले केहि समस्यामा पारेपनि पाँच विकेट गुमाउदै लक्ष्यसम्म पुग्यो। ओपनर आकाश थापा र अमित श्रेष्ठले क्रमश: ९ र १२ रन बनाएका थिए भने आसिफ शेख र दिपेन्द्र सिंह ऐरीले खाता खोल्न सकेनन्। सागरले बिराटनगरको ५ विकेट सबै क्याच मार्फत लिएका थिए। एक समय २६/३को स्थितिमा रहेको बिराटनगरको ब्याटिङलाई कप्तान शरदले १५ बलमा ५ चौका र १ छक्काको मद्दतले २८ रन बनाउदै सम्हालेका थिए।
प्रनित थापा मगरले अविजित ११ रन बनाए भने अनिल शाहले ८ रनको योगदान दिए। पहिलो इनिङसमा ४ विकेट लिएका सुशील कँडेल म्यान अफ द म्याच भए।
April 26, 2024
एजेन्सी – जोनी बेयरस्टोले सानदार नटआउट शतक बनाएपछि पन्जाब किङ्सले इन्डियन प्रिमियर लिग (आइपिएल) मा शुक्रबार कोलकाता नाइट राइडर्सलाई ८ विकेटले हराएको छ । २ सय ६२ रनको लक्ष्य पछ्याएको पन्जाबका लागि बेयरस्टोको शतकसँगै प्रभसिमरन सिंह र शंशाक सिंहले अर्धशक बनाएपछि ८ बलअघि २ विकेटको नोक्सानीमा पूरा गरेको थियो । ४८ बलमा बेयरस्टोले ९ छक्का […]
April 26, 2024
सुबास हुमागाईं, काठमाडौं नेपाली राष्ट्रिय क्रिकेट टोलीले अबको ५ सातामा आइसीसी मेन्स टि२० विश्वकप अन्तर्गत पहिलो खेल खेल्नेछ । तर विश्वकप खेल्ने मिति नजिकिंदै जाँदा नेपाली टोलीमा खेलाडी संख्या घट्दै जानुपर्नेमा तयारीको अन्तिम सिरिजको पूर्व सन्ध्यामा आएर अप्रत्याशित रुपमा बढेको छ । विश्वकपको तयारीका लागि भारतको गुजरातमा मैत्रीपूर्ण सिरिज खेल्न नेपालले १५ सदस्यीय टोली घोषणा […]
April 26, 2024
काठमाडौं (हाम्रो खेलकुद)- युवा तथा खेलकूद मन्त्री बिराजभक्त श्रेष्ठले नेपाल भ्रमणमा रहेको वेस्ट इन्डिज ‘ए’ टिमसँग भेट गरेका छन्। नेपाली क्रिकेट टोलीसँग शनिबार सुरु हुने ५ टि ट्वान्टी सिरिजका लागि मन्त्री श्रेष्ठले वेस्ट इन्डिज ‘ए’ टोलीलाई सफलता शुभकामना दिएका हुन् । आज साँझ मन्त्री श्रेष्ठले वेस्ट इन्डिजको ‘ए’ टिमका खेलाडी तथा प्रशिक्षकसँग भेटेर नेपाल सरकारको […]