धनगढी (हाम्रो खेलकुद) – सुदुरपश्चिमको क्रिकेट विकासमा योगदान पुर्याउनु भएका क्रिकेट प्रशिक्षक स्वर्गीय अर्जुन खड्काको परिवारलाई सहयोग हस्तान्तरण गरिएको छ ।
खड्काको स्मृतिमा आयोजना भएको धनगढी प्रिमियर लिगवाट टिकट मार्फत उठेको रकम र डिपिएलका टीम कप्तानले दिएको रकम हस्तान्तरण गरिएको हो ।
लिग अवधिभर उठेको रकमको २० प्रतिशत अर्थात ९३ हजार ५ सय ९१ रुपैंया र सहभागी भएका ६ टोलीका कप्तानले जनही ५ हजारका दरले प्राप्त भएको ३० हजार रकम गरी एक लाख २३ हजार ५ सय ९१ रुपैंया स्वर्गीय खड्काकी छोरी कञ्चन खड्कालाई हस्तान्तरण गरिएको हो ।
छोराछोरीलाई उच्च शिक्षा अध्ययनमा सहयोग होस भनेर दिईएको सहयोग रकम धनगढी क्रिकेट एकेडेमीका अध्यक्ष सुवाश शाही र एकेडेमीकै निर्देशक महेश शाहले हस्तान्तरण गर्नुभयो ।
