काठमाडौं (हाम्रो खेलकुद)– एसिसी यू १९ पूर्वी क्षेत्र क्रिकेट प्रतियोगिताअन्तर्गत समूह चरणको अन्तिम खेलमा नेपालले फिल्डिङ गर्दैछ । सिंगापुरले टस जितेर ब्याटिङ रोजेको छ ।
मलेसियामा जारी प्रतियोगितामा आजको खेलले समूह विजेताको टुंगो लगाउनेछ । नेपाल र सिंगापुर यसअघि नै सेमिफाइनल पुगिसकेका छन् । दुवैको समान ४ अंक छ, नेट रन रेटका आधारमा नेपाल शीर्षस्थानमा रहेको छ ।
समूह चरणमा नेपालले भुटानलाई ९ विकेट र त्यसअघि थाइल्यान्डलाई २ सय ५५ रनले हराएको थियो । थाइल्यान्डलाई ९२ रनले हराएको सिंगापुरले त्यसअघि भुटानलाई ९ विकेटले नै पराजित गरेको थियो ।
