काठमाडौं (हाम्रो खेलकुद)– मलेसियामा हुने एसीसी यू–१९ एसिया कप क्रिकेट प्रतियोगिताको लागि नेपाली टोलीको आज घोषणा भएको छ ।युथ टोलीका मुख्य प्रशिक्षक विनोद दास र एसीसीका प्रतिनिधि बेन्काटापति राजु रहेको समितिले खेलाडीको छनोट गरेको छ ।

दिपेन्द्र सिंह ऐरीको कप्तानीमा १५ सदस्यीय टोलीको घोषणा भएको छ । ४ खेलाडी वैकल्पिकमा छन् । अन्तिम छनोटमा एसीसी यू–१९ इस्टर्न रिजनको उपाधि जित्ने खेलाडीको बाहुकल्यता रहेको छ ।

गत महिना इस्टर्न रिजनको च्याम्पियन बन्दै नेपाल एसिया कपका लागि छनोट भएको थियो । एसिया कप मलेसियामा नोभेम्बर ११ बाट १९ सम्म हुनेछ । जसमा टेष्ट मान्यता राष्ट्रहरु भारत, बंगलादेश, श्रीलंका, पाकिस्तान, अफगानिस्तानसहित आठ टोलीको सहभागिता रहने छ ।

नेपाली टोली सोमबार अन्तिम तयारी गर्न बंगलादेशको भ्रमण गर्दैछ । बंगलादेश भ्रमणको दौरानमा नेपाली टिमले बंगलादेशको यु–१९ टिमसँग तीन मैत्रीपूर्ण खेल खेल्ने तय छ । नेपालले क्रिरा शिखा प्रतिष्ठान (बिकेएसपी) मा तीन वटा अभ्यास खेल खेल्ने बताइएको छ ।

नेपाली टोली
१.दिपेन्द्र सिंह ऐरी -कप्तान
२.रोहित कुमार पौडेल
३. सन्दिप लामिछाने
४.सन्दिप सुनार
५.प्रनित थापा मगर
६.अनिल कुमार शाह
७.पवन शर्राफ
८.आसिफ शेख
९.किशोर महतो
१०.शाहब आलम
११. प्रकाश केसी
१२.कमल सिंह एरी
१३.भिम सार्की
१४. राशिद खान
१५.जितेन्द्र सिंह

वैकल्पिक खेलाडी
१.सुन्दिप जोरा
२.विक्रम कुमार भुसाल
३.अंकित सुवेदी
४.विजय चौधरी