काठमाडौं (हाम्रो खेलकुद) – एसीसी यू १९ एसिया कप क्रिकेट प्रतियोगिताको पहिलो खेल नेपालले बंगलादेशसँग खेल्नु पर्ने भएको छ । एसियाली क्रिकेट परिषद् (एसीसी) ले आज सार्वजनिक गरेको खेल तालिका अनुसार मलेसियामा कार्तिक २५ गते सुरु हुने प्रतियोगिताको पहिलो दिन नेपाल र बंगलादेशबीच प्रतिस्पर्धा हुनेछ ।
समूह ‘ए’ मा नेपाल, बंगालदेशसहित भारत र आयोजक मलेसिसया रहेका छ । नेपालको दोस्रो खेल कार्तिक २६ गते भारतसँग खेल्नेछ । समूह चरणको अन्तिम खेल कार्तिक २८ गते नेपालले आयोजक मलेसियाको सामना गर्नेछ । भारत तीन पटकको एसिया कप च्याम्पियन हो ।
गत महिना मलेसियामा मा भएको इस्टर्न रिजन च्याम्पियन बन्दै नेपाल यू–१९ एसिया कपका लागि छनोट भएको थियो ।समूह ‘बी’ मा भने श्रीलङ्का, पाकिस्तान र अफगानिस्तान छन् । अर्को टोलीको टुंगो लाग्न बाँकी छ ।
यसैबीच, नेपाली युवा टोली तीन वटा अभ्यास खेलका लागि सोमबार बंगलादेश पुगेको थियो । बंगलादेश भ्रमणको दौरानमा नेपाली टिमले बंगलादेशको यु–१९ टिमसँग तीन मैत्रीपूर्ण खेल खेल्ने । नेपालले क्रिरा शिखा प्रतिष्ठान (बिकेएसपी) मा तीन वटा अभ्यास खेल खेल्नेछ ।
