काठमाडौँ (हाम्रो खेलकुद) — नेपालले विश्व क्रिकेट लिग डिभिजन २ को कठिन अवस्थामा आइतबार यूएईको सामना गर्दै छ । नामिबिया जारी डिभिजन २ मा नेपाल र यूएई दुवैले समान १ खेल जितेका छन् भने १ खेल गुमाएका छन् ।
पहिलो खेलमा घरेलु टोली नामिबियामाथि १ विकेटको जित रोमाञ्चक जित हासिल गरेको नेपाल नेपाल शुक्रबार दोस्रो खेलमा ओमानसँग ६ विकेटले पराजित भएको थियो । यूएईले पहिलो खेलमा केन्यालाई २ सय १८ रनले हराएको थियो । तर क्यानाडासँग दोस्रो खेलमा टोली २३ रनले पराजित भयो । क्यानाडा पहिलो दुवै खेल जितेर शीर्षस्थानमा छ ।
डिभिजन २ को फाइनल पुग्ने सम्भावना जीवित राख्नका लागि नेपाल र युएई दुवैका लागि आजको खेल महत्वपूर्ण रहेको छ । २०१९ को विश्वकपको छनोटको खुड्किलोको रुपमा रहेको डिभिजन २ को शीर्ष २ मा रहन सफल हुने टोलीले यहि वर्ष मार्चमा हुने जिम्बाबेमा विश्वकप छनोटमा प्रतिस्पर्धा गर्नेछ । डिभिजन २ को पुछारमा रहने दुई टोली रेलिगेसन पर्ने छन् ।
क्यानाडा पहिलो दुवै खेल जितेर शीर्षस्थानमा छ । समान २ अंक भए पनि रनरेटका आधारमा यूएई दोस्रो , नेपाल तेस्रो र ओमान चौथो स्थानमा छन् ।
