काठमाडौं (हाम्रो खेलकुद) – विश्व क्रिकेट लिग डिभिजन-२ प्रतियोगिता अन्तर्गत अहिले नेपाल केन्यासँग भिड्दै छ । नेपालले टस जितेर पहिले फिल्डिङ गर्ने निर्णय गरेको छ ।
आज नेपालका लागि अलराउन्डर अनिल कुमार शाहले डेब्यु गर्दै छन् । टोलीमा उनी ओपनर दिलिप नाथको स्थानमा आएका छन् । खेलअघि कप्तान पारस खड्काले अनिललाई उनको पहिलो क्याप दिए ।
नेपाल दुई जित र एक हारसहित तालिकाको दोस्रो स्थानमा रहेको छ । त्यस्तै केन्याले भने पछिल्ला दुवै खेल हारेको थियो भने एक खेल पानी परेर रोकिएको थियो । आज जित हांसिल गरे नेपालको छनोट सम्भावना थप बलियो हुने छ ।
