8 years ago
February 14, 2018
भैरहवा (हाम्रो खेलकुद) – नेपाल टेलिकम रुपन्देही सुपर लिग क्रिकेट प्रतियोगितामा बुधबार बुटवल राइनोज क्रिकेट क्लबले लर्डबुद्ध क्रिकेट क्लब भैरहवालाई ५ विकेटले हराउँदै लगातार दोस्रो जित दर्ता गरेको छ । बुटवल राइनोजले फागुन ९ गते बुम एमसिसी क्रिकेट क्लब भैरहवासँग प्रतिस्पर्धा गर्ने छ । उक्त खेलमा विजयी टिम डिभिजन ए मा प्रवेश गर्ने रुपन्देही क्रिकेट संघका अध्यक्ष प्रशान्त विक्रम मल्लले बताए ।
बुधबार ८५ रनको लक्ष्य पाएको बुटवल राइनोजले निर्धारित ५० ओभरको खेलमा १५.२ ओभर खेल्दै ५ विकेटको क्षतिमा ८७ रन बनाएर जित हासिल गरेको थियो । टोलीका लागि बल्लु आचार्यले अविजित २१ र राहुल भट्टराईले १२ रन बनाए । लर्डबुद्धका विन्ध्याचल पालले २, सुनिल थापा र दामोदर शर्माले १÷१ विकेट लिए ।
त्यसअघि टस जितेर ब्याटिङ गरेको लर्डबुद्धले २६.४ ओभरमा सबै विकेट गुमाएर ८४ रन मात्रै बनाएको थियो ।उसका लागि शैलेन्द्र यादवले १९ र सागर न्यौपानेले १३ रन बनाए । अन्य ब्याट्सम्यान नचल्दा टोलीले हार व्यहो¥यो । लर्डबुद्धलाई सस्तैमा समेट्ने क्रममा खेलका म्यान अफ द म्याच समेत रहेका बुटवल राइनोजका अर्जुन रेग्मीले ह्याट्रिकसहित ३ विकेट लिए भने बब्लु आचार्य र प्रदीप बेल्बासेले समान ३ विकेट लिए ।
डिभिजन बी अन्तर्गत बिहीबार लुम्बिनी कसाई क्रिकेट क्लब लुम्बिनी र गोलपार्क क्रिकेट क्लब बुटवलबीच प्रतिस्पर्धा हुने संघका सचिव संजय गुरुङले बताए । प्रतियोगितामा जिल्लाका २१ क्लबको सहभागिता छ । जसमा (ए) डिभिजनका ८ क्लब छन् भने (बी) डिभिजनका १३ क्लब छन् । प्रतियोगिताको सुरुमा (बी) डिभिजनका क्लबबीच प्रतिस्पर्धा भइरहेको छ ।
प्रतियोगितामा विजेता क्लबले ७० हजार र दोस्रो हुने टोलीले ३५ हजार रुपैयाँ प्राप्त गर्नेछ । सर्वोत्कृष्ट खेलाडीले १० हजार तथा उत्कृष्ट बलर र उत्कृष्ट ब्याट्स म्यानले समान ५ हजार रुपैयाँ प्राप्त गर्नेछन् । हरेक खेलको म्यान अफ दी म्याचले १ हजार रुपैयाँ पाउनेछन् । नेपाल टेलिकमले मुख्य प्रायोजक रहेको सुपर लिगमा बुम रेमिट्यान्सले सहप्रायोजन गरेको छ । रुपन्देही क्रिकेट संघको आयोजनामा भइरहेको प्रतियोगिता फागुन २६ गतेसम्म चल्ने छ ।
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
December 13, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) को फाइनलमा सुदूरपश्चिम रोयल्सले लुम्बिनी लायन्सलाई ८६ रनको अत्यन्त सहज चुनौती दिएको छ। यो सिजन पहिले ब्याटिङ गरेर बनेको यो सबैभन्दा कम योगफल हो। यसअघि काठमाडौं गोर्खाजले लुम्बिनीविरुद्ध १ सय ११ रन बनाएको थियो। सुदूरपश्चिम फाइनलमा ब्याटिङमा निरुह बन्यो। लुम्बिनीका कप्तान रोहित पौडेलले ह्याट्रिक विकेट लिंदा शेर […]
December 13, 2025
काठमाडौं (हाम्रो खेलकुद)- लुम्बिनी लायन्सका कप्तान रोहित पौडेलले नेपाल प्रिमियर लिगको फाइनलमा ह्याट्रिक विकेट लिएका छन् । कीर्तिपुरस्थित टियु रंगशालामा जारी नेपाल प्रिमियर लिग (एनपिएल) को फाइनलमा रोहितले सुदूरपश्चिम विरुद्ध ह्याट्रिक विकेट लिएका हुन् । ब्याटिङमा संघर्ष गरिरहेको सुदूरपश्चिमविरुद्ध रोहितले ११ औं ओभरमा ह्याट्रिक पूरा गरेका हुन्। ११ औं ओभरको चौथो बलमा रोहितको बलिङमा सुदूरपश्चिमका […]
