8 years ago
February 18, 2018
काठमाडौं (हाम्रो खेलकुद) – जिम्बाब्वेमा खेलिने आइसीसी विश्वकप छनोट २०१८ का लागि नेपाली टोलीको घोषणा भएको छ । टोलीमा एक नयां अनुहार ललित नारायण राजवंशी समावेश भएका छन् ।
हालै नामिबियामा सम्पन्न आइसीसी विश्व क्रिकेट लिग डिभिजन-२ प्रतियोगितामा उपविजेता भएको नेपालले आगामी आइसीसी विश्वकप छनोट २०१८ को लागि १५ सदस्यीय टोली घोषणा गरेको छ ।
विश्व क्रिकेट लिग डिभिजन-२ मा परेका १४ जना खेलाडि सबै विश्वकप छनोट टोलीमा पनि रहेका छन् । त्यस्तै यस अघि वैकल्पिक खेलाडिमा रहेका ललित नारायण राजवंशी पनि चुनिएका छन् । स्पिनर रहेका ललित इपिएलमा ललितपुर प्याट्रिअट्सबाट खेलेका थिए भने उनी यु-१९ टोलीको पनि महत्त्वपूर्ण सदस्य हुन् ।
नेपाली टोलीको छनोट आइसीसी प्रतिनिधि अमिनुल इस्लाम, प्रशिक्षक जगत टमाटा र कप्तान पारस खड्का सम्मिलित ३ सदस्यीय टोलीले गरेको थियो ।
१५ सदस्यीय नेपाली क्रिकेट टोली:
पारस खड्का (कप्तान), ज्ञानेन्द्र मल्ल (उपकप्तान), आरिफ शेख, सन्दीप लामिछाने, दीपेन्द्रसिंह ऐरी, दिलीप नाथ, ललित भण्डारी, अनिलकुमार साह, रोहित पौडेल, ललित नारायण राजवंशी, शक्ति गौचन, वसन्त रेग्मी, शरद भेषावकर, सोमपाल कामी, करन केसी
रिजर्भ खेलाडी:
विनोद भण्डारी, सिद्धान्त लोहनी, सुनिल धमला, किशोर महतो
विश्वकप छनोट जिम्बाब्वेमा मार्च ४ देखि २४ तारिखसम्म चल्ने छ । विश्वकप छनोटमा नेपाल समूह ‘बि’मा रहेर अफगानिस्तान, जिम्बाबे, स्कटल्याण्ड र हंगकंगसँग प्रतिस्पर्धा गर्ने छ । नेपालले आफ्नो पहिलो खेल आयोजक जिम्बाब्वेसँग मार्च ४ तारिखमा खेल्ने छ ।
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
December 13, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) को फाइनलमा सुदूरपश्चिम रोयल्सले लुम्बिनी लायन्सलाई ८६ रनको अत्यन्त सहज चुनौती दिएको छ। यो सिजन पहिले ब्याटिङ गरेर बनेको यो सबैभन्दा कम योगफल हो। यसअघि काठमाडौं गोर्खाजले लुम्बिनीविरुद्ध १ सय ११ रन बनाएको थियो। सुदूरपश्चिम फाइनलमा ब्याटिङमा निरुह बन्यो। लुम्बिनीका कप्तान रोहित पौडेलले ह्याट्रिक विकेट लिंदा शेर […]
December 13, 2025
काठमाडौं (हाम्रो खेलकुद)- लुम्बिनी लायन्सका कप्तान रोहित पौडेलले नेपाल प्रिमियर लिगको फाइनलमा ह्याट्रिक विकेट लिएका छन् । कीर्तिपुरस्थित टियु रंगशालामा जारी नेपाल प्रिमियर लिग (एनपिएल) को फाइनलमा रोहितले सुदूरपश्चिम विरुद्ध ह्याट्रिक विकेट लिएका हुन् । ब्याटिङमा संघर्ष गरिरहेको सुदूरपश्चिमविरुद्ध रोहितले ११ औं ओभरमा ह्याट्रिक पूरा गरेका हुन्। ११ औं ओभरको चौथो बलमा रोहितको बलिङमा सुदूरपश्चिमका […]
