काठमाडौं (हाम्रो खेलकुद) – जिम्बावेमा हुन गइरहेको विश्वकप छनोटको तयारीमा रहेको नेपाली क्रिकेट टोली आज युएईसँग अभ्यास खेल खेल्दै छ । नेपाल टस हारेर पहिले फिल्डिङ गर्दै छ । मैदान पानीका कारण भिजेकोले खेल ढिलो सुरु हुँदैछ । अब खेल २९ ओभरको हुने छ ।
डिभिजन-२ को फाइनल खेलमा नेपाल युएईसँगै पराजित भएको थियो । तर समूह चरणमा भने नेपालले युएईलाई ४ विकेटले पराजित गरेको थियो । त्यसअघिका दुई खेलमा पनि युएईले जित हांसिल गरेको थियो ।
डिभिजन-२ म उपविजेता रहँदै नेपाल विश्वकप छनोटको समूह ‘बि’ मा परेको छ । युएई रहेको समूह ‘ए’ भन्दा समूह ‘बि’ नै केहि सहज रहेको विश्लेषकहरुले बताएका छन् । समूह ‘बि’ मा नेपालले अफगानिस्तान, जिम्बावे, हंङकङ र स्कटल्याण्डसँग प्रतिस्पर्धा गर्ने छ ।
विश्वकप छनोटमा रहेका १० टोली मध्ये शीर्ष दुई टोली विश्वकप छनोटमा प्रवेश गर्ने छन् । डिभिजन-२ मा उत्कृष्ट प्रदर्शन गरेको टोलीलाई नेपालले यथावत राख्दै ललित नारायण राजवंशीको रुपमा एक खेलाडी थप पनि गरेको छ ।
नेपालले दोस्रो अभ्यास खेल हंङकङसँग मार्च १ मा खेल्ने छ । नेपालले विश्वकप छनोटको आफ्नो पहिलो खेल मार्च ४ मा घरेलु टोली जिम्बावेसँग खेल्ने छ ।
