अर्जुन कार्की
बागलुङ– बागलुङ बजारमा जिल्लाकै सर्वाधिक पुरस्कार राशिको टि ट्वान्टी क्रिकेट प्रतियोगिता आयोजना हुने भएको छ । बागलुङ क्रिकेट क्लबको आयोजना तथा फ्युचर स्पोर्टस् क्लब र चैत्राष्ट्रमी मेला २०७४ व्यवस्थापन समितिको सहआयोजनामा चैत ४ देखि ११ गतेसम्म पाँचौ धौलागिरी कप तथा चैत्राष्ट्रमी टि ट्वान्टी क्रिकेट प्रतियोगिता संचालन गर्न लागिएको बागलुङ क्रिकेट क्लबका अध्यक्ष सन्दिप पन्तले जानकारी दिए ।
बागलुङको बाङ्गेचौर खेलमैदान हुने उक्त खुला प्रतियोगिता देशभरका खेलाडी तथा कुनै पनि टोलीले भाग लिन पाउने फ्युटर स्पोर्टस् क्लबका सविच फडिन्द्र खड्काले बताउनुभयो । प्रतियोगिताको विजेताले १ लाख ११ हजार १ सय ११ रुपैयाँ र दोस्रो हुने टोलीले ५५ हजार ५ सय ५५ रुपैयाँ प्राप्त गर्नेछ ।
म्यान अफ दि सिरिजले १० हजार रुपैयाँ पाउने प्रतियोगिताका उत्कृष्ट ब्याट्म्यान र उत्कृष्ट बलरले समान ५ हजार रुपैयाँ प्राप्त गर्नेछन् । प्रतियोगिता संचालनको लागि ६ लाख भन्दा केही बढी खर्च हुने आयोजकको अनुमान छ । उक्त खर्चको लागि आर्थिक सहयोग संकलन गरिने बताइएको छ ।
