6 years ago
May 29, 2018
काठमाडौं (हाम्रो खेलकुद) – प्रधानमन्त्री कप अन्तर्गत किर्तिपुरस्थित त्रिभुवन विश्वविद्यालय क्रिकेट मैदानमा भएको खेलमा प्रदेश ६ का लागि चन्द्र बिसीले एक्लै ६ विकेट लिएपनि उनको टोली जितबाट बन्चित भयो। टस जितेर प्रदेश ६ ले ब्याटिङ गरेपछि ४७.४ ओभरमा सबै विकेट गुमाउँदै १ सय ७८ रन बनायो । रबिन्द्र जंग शाही र दिवान पुनले समान ५२ रनको योगदान दिए । […]
काठमाडौं (हाम्रो खेलकुद) – प्रधानमन्त्री कप अन्तर्गत किर्तिपुरस्थित त्रिभुवन विश्वविद्यालय क्रिकेट मैदानमा भएको खेलमा प्रदेश ६ का लागि चन्द्र बिसीले एक्लै ६ विकेट लिएपनि उनको टोली जितबाट बन्चित भयो।
टस जितेर प्रदेश ६ ले ब्याटिङ गरेपछि ४७.४ ओभरमा सबै विकेट गुमाउँदै १ सय ७८ रन बनायो । रबिन्द्र जंग शाही र दिवान पुनले समान ५२ रनको योगदान दिए ।
१ सय ७८ रनको लक्ष्य पछ्याएको प्रदेश ३ लाई चन्द्रले एकातर्फ सुरुआतमै विकेट लिँदै रोकेपनि किशोर महतो र रुपेश श्रीवास्तवले सम्हलिएको साझेदारी गर्दै प्रदेश ३ लाई जित दिलाए। रुपेशले ३९ तथा किशोरले २५ रन बनाए। प्रदेश ३ ले सस्तैमा पहिलो तीन ब्याट्सम्यानलाई गुमाएपछि आदील खान(३१), सन्जय बस्नेत(२०) र इसान पाण्डे (२३) को प्रदर्शनमा प्रदेश ३ को ब्याटिंग सम्हालियो।
संजम र सम्सदको उत्कृष्ट बलिङमा प्रदेश २ विजयी
मुलपानी क्रिकेट मैदानमा भएको खेलमा प्रदेश नं २ ले प्रदेश ४ लाई ६७ रनले पराजित गर्यो। संजम रेग्मीको उत्कृष्ट बलिङमा प्रदेश २ ले १ सय ५८ रनको लक्ष्य रक्षा गर्यो। प्रदेश ४ को यो लगातार दोस्रो हार हो भने प्रदेश २ को दोस्रो खेलमा पहिलो जित हो। यसअघि पहिलो खेलमा एपिएफसँग ५ विकेटले पराजित भएको थियो।
टस जितेर ब्याटिंग गरेको प्रदेश २ ले ४४.३ ओभरमा सबै विकेट गुमाउँदै १ सय ५७ रन बनायो। बिशाल सुस्लिङ्गले सर्वाधिक २६ रन बनाए। प्रदेश ४ का लागि बिपिन खत्री र हरि चौहानले समान ३ विकेट लिए।
प्रदेश २ लाई जित दिलाउने क्रममा संजमले १० ओभरमा ३ मेडेनका साथ् १६ रन खर्चदै ५ विकेट लिए। त्यस्तै सम्सद शेखले पनि उत्कृष्ट बलिङ गर्दै प्रदेश २ लाई जितको आधार दिलाए। उनले ७.५ ओभरमा २० ओभर खर्चिदै ४ विकेट लिए।
प्रदेश ४ का अनिल गुरुङले ३४ र सुम घिमिरेले ३२ बाहेक अन्य ब्याट्सम्यानहरुले दोहोरो अंक जोडेनन्।
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]
April 19, 2024
मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]