एजेन्सी – पाकिस्तानसँग हुने तीन टी–२० क्रिकेट श्रृंखलाको लागि अष्ट्रेलिया क्रिकेट बोर्डले अारोन फिन्चको कप्तानीमा १५ सदस्य टोली घोषणा गरेको छ । श्रृंखला आगमी २४ अक्टोबरबाट युएईमा सुरु हुने छ ।

फिन्चले यस अघि पनि टी–२० क्रिकेटको कप्तानी गरिसकेका छन् । यस अघि जिम्बाब्बे,पाकिस्तान र अष्ट्रेलिया बीचको त्रिकोणात्मक टी–२० श्रृखलामा कप्तानी गरेका थिए । अष्ट्रेलियाका पुर्व कप्तान स्टिभ स्मिथ र उप कप्तान डेविड वार्नरले साउथ अफ्रिकाबीचको तेस्रो टेस्ट खेल दौरानमा बल टेम्परिङ गरेको पुष्टि भएपछि दुबै खेलाडीलाई एक बर्षको अन्तर्राष्ट्रिय खेल प्रतिबन्ध लागेको छ । जुन आगामी फागुनमा मात्र फुकुवा हुने छ ।

सिमित ओभरका खेलमा हिरो मानिने फिन्च आगमी अक्टोबर ७ देखी सुरु हुने पाकिस्तानसँगको दुई टेस्ट श्रृंखलामा पहिलो पटक टेस्ट क्रिकेटमा डेब्यू गर्दै छन् । त्यस्तै टोलीमा ग्लेन म्याकसवेल, मिचेल स्टार्क,लेथन लायन, नाथन कुल्टर नाइल, एन्ड्रयू टाई, एडम जाम्पा र बिली स्टेनलेकले पनि कमब्याक गरेका छन् ।

यस्तो छ अष्ट्रेलियाको १५ सदस्य टोली :

अारोन फिन्च (कप्तान), मिच मार्श (उप कप्तान) ग्लेन म्याकसवेल,मिचेल स्टार्ट,लेथन लायन, नाथन कुल्टर नाइल,एन्ड्रयू टाई, एडम जम्पा,बिली स्टेनलेक,एलेक्स करी,एश्टन अगर,क्रिस लायन,बेन मौरडरकोट र डी आर्सी शर्ट रहेका छन् ।