ढाका (एजेन्सी) – बंगलादेशमा जारी एसीसी यू–१९ एसिया कपको उपाधिको लागि भारत र श्रीलंका भिड्ने भएका छन् । आज भएको दोस्रो सेमिफाइनल खेलमा श्रीलंकाले अफगानिस्तानलाई ३१ रनले पराजित गर्दै फाइनलमा भारतसँग भेट पक्का गरेको हो । भारतले पहिलो सेमिफाइनलमा बिहिबार आयोजक बंगलादेशलाई २ रनको झिनो अन्तरले पराजित गर्दै यस अघिनै फाइनल प्रवेश गरि सकेको छ ।

टस हारेर पहिला ब्याटिङ गरेको श्रीलंकाले निर्धारित ५० ओभरमा ७ विकेटको क्षतिमा २ सय ९ रन बनाउन सक्यो । श्रीलंकाका लागि न्यूवाइडु फ्रनान्डोले उत्कृष्ट शतक प्रहार गरे । उनले १ सय २९ बलमा ९ चौका र ३ छक्का प्रहार गर्दै १ सय ११ रन बनाए । श्रीलंकाका अन्य निपुन धनान्जय २७,कालाना पेरेरा २२ रन बनाउन बाहेक अन्य कुनै पनि ब्याटम्यानले राम्रो प्रर्दशन गर्न सकेनन् ।

अफगानिस्तानका अब्दुल रहमान ३ विकेट लिए पनि जितको लागि प्रयाप्त हुन सकेन । २ सय १० रनको लक्ष्य पक्ष्याएको अफगानिस्तान ४८ ओभर ३ बलमा अल आउट हुदैँ १७८ रन मात्र बनाउन सक्यो । उस्का लागि रमानुल्लाह गुरबाज ४६,इजाज अहमद ३७, बाासिर खान २७,आरिफ खान २० र रियाज हसनले १५ रन जोड्न बाहेक अन्य कुनै पनि ब्याटम्यानले राम्रो प्रर्दशन गर्न सकेनन् ।

श्रीलंकाका शिखा दुलसानले ४ तथा नबोद दिनुश्री र कालरा शामिन्डा सेनारत्नले समान दुई दुई विकेट लिए । अव श्रीलंकाले उपाधिको लागि भारतसँग आगमी अक्टोबर ७ अर्थात आइतबार भारतसँग भिड्ने छ । जारी यू–१९ एसिया कपमा नेपाली टोलीको पनि सहभागिता रहेको थियो । समुह चरणमा भारतसँग १ सय ७१ र अफगानिस्तानसँग ३ विकेटले पराजित हुदैँ समुह चरणबाटै बाहिरिएको थियो ।