7 years ago
October 8, 2018
काठमाडौं (हाम्रो खेलकुद) – नेपालको सर्वाधिक लोकप्रिय पर्यटकीय गन्तव्य पोखरा अबको केहि दिनमा क्रिकेटको लागि पनि गन्तव्य बन्दैछ । पछिल्लो समय निकै लोकप्रिय रहेको क्रिकेट अब पोखरेली समर्थकमाझ अन्तर्राष्ट्रिय स्तरको प्रतियोगिता लिएर उपस्थित हुँदैछ ।
क्विन्स इभेन्ट म्यानेजमेन्ट प्रालिको आयोजनामा यहि कार्तिक ९ गतेदेखि २० गतेसम्म पोखरा प्रिमियर लिग (पीपीएल) टी–ट्वान्टी क्रिकेट प्रतियोगिता पोखरास्थित पोखरा रंगशालाको क्रिकेट मैदानमा हुँदैछ । प्रतियोगिताले सोमबारै मात्र अन्तर्राष्ट्रिय क्रिकेट परिषद् (आइसीसी) को आधिकारिक मान्यता पनि पाएको छ । प्रतियोगिताका लागि विभिन्न तयारीका कार्य अन्तिम चरणमा पुगिसकेका छन् । प्रतियोगिताअघि गरिनुपर्ने अधिकांश कार्यक्रम त सम्पन्न नै भइसकेका छन् । अब पर्खाइ छ त बस् आयोजनाको ।
प्रतियोगितामा सहभागी हुने ६ फ्रेनचाइज टोलीले मार्की खेलाडी घोषणा गर्दै अक्सनमार्फत टोली छनोटको कार्य पनि सम्पन्न गरिसकेका छन् । मार्की खेलाडीको उपस्थितिमै यसअघि भएको अक्सनमा सबै टोलीले कम्तिमा १० नेपाली खेलाडी छनोट गरिसकेका छन् । स्थानीय खेलाडी र विदेशी खेलाडी केहि दिनमा तय हुने छन् । केहि टोलीले भने त्यसको टुङ्गो पनि लगाईसकेका छन् ।
आयोजकले रंगशालाको मैदान तयारी विगत तीन महिनाअगाडी देखि सुरु गरेको थियो । स्थानीय सरोकारवालाहरुसँग पनि समन्वय गरेर कार्यक्रम अगाडी बढाईएको हो । दशैं लगत्तै सुरु हुने प्रतियोगिताले धेरै पोखरेली समर्थकहरुको मन जित्ने आँकलन छ । पर्वको माहोल भएकाले बाह्य तथा अन्तरिक पर्यटकका लागि पनि पीपीएल पोखरा घुम्न जाने एक कारक बन्न सक्छ ।
विदेशी खेलाडीको आबद्धताले खेलाडी र खेलको स्तर बढाउन सहयोग त पुग्छ नै, दर्शकहरुलाई पनि थप मनोरंजन मिल्नेछ । प्रतियोगिताको नियममा स्थानीय खेलाडी आवश्यक रहेको प्रावधानले स्थानीय दर्शकलाई थप रोमान्च मिल्नेछ । यसअघि पोखरामा स्थानीय स्तरमा माछापुच्छ्रे प्रिमिअर लिग आयोजना भइसकेको छ । पीपीएल पोखरेली क्रिकेटको विकासमा अर्को कोशेढुंगा बन्न सक्छ ।
क्रिकेटको भरपुर आनन्दसँगै प्रकृतिको मनोरम दृश्यले पोखरा प्रिमियर लिगलाई विशेष बनाएको छ । पोखरा क्रिकेटका लागि खासै प्रख्यात सहर होइन । तर पीपीएलको आगमनले केहि हदसम्म पोखरालाई सघाउ भने पुग्नेछ । क्रिकेटले पोखराको प्रकृतिको साथ पाउनेछ भने पोखराले पीपीएलको माध्यमबाट क्रिकेटको प्रबर्द्धनमा सहयोग पाउनेछ । हिमालको काखमुनि क्रिकेट खेल्ने दुर्लभ अवसर स्वदेशीसँगै विदेशी खेलाडीले त पाउने नै भए ।
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
December 13, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) को फाइनलमा सुदूरपश्चिम रोयल्सले लुम्बिनी लायन्सलाई ८६ रनको अत्यन्त सहज चुनौती दिएको छ। यो सिजन पहिले ब्याटिङ गरेर बनेको यो सबैभन्दा कम योगफल हो। यसअघि काठमाडौं गोर्खाजले लुम्बिनीविरुद्ध १ सय ११ रन बनाएको थियो। सुदूरपश्चिम फाइनलमा ब्याटिङमा निरुह बन्यो। लुम्बिनीका कप्तान रोहित पौडेलले ह्याट्रिक विकेट लिंदा शेर […]
December 13, 2025
काठमाडौं (हाम्रो खेलकुद)- लुम्बिनी लायन्सका कप्तान रोहित पौडेलले नेपाल प्रिमियर लिगको फाइनलमा ह्याट्रिक विकेट लिएका छन् । कीर्तिपुरस्थित टियु रंगशालामा जारी नेपाल प्रिमियर लिग (एनपिएल) को फाइनलमा रोहितले सुदूरपश्चिम विरुद्ध ह्याट्रिक विकेट लिएका हुन् । ब्याटिङमा संघर्ष गरिरहेको सुदूरपश्चिमविरुद्ध रोहितले ११ औं ओभरमा ह्याट्रिक पूरा गरेका हुन्। ११ औं ओभरको चौथो बलमा रोहितको बलिङमा सुदूरपश्चिमका […]
