7 years ago
October 16, 2018
एजेन्सी – दक्षिण अफ्रीकाले पनि औपचारिक फ्रेन्चाइज प्रणालीको टि-२० क्रिकेट लिग, मजान्सी प्रिमियर लिग आयोजना गर्ने भएको छ । ६ टोली सम्मिलित लिगको टोलीको नाम र मार्की खेलाडी सोमबार सार्वजनिक गरिएको छ ।
यस वर्ष नोभेम्बर १६ देखि डिसेम्बर १६ सम्म हुने प्रतियोगितामा ३२ खेल हुनेछन् । प्रतियोगिताका ६ टोलीका मार्की खेलाडी तय भएका छन् भने बुधबार खेलाडी ड्राफ्टमार्फत अन्य खेलाडी पनि निर्धारण हुनेछन् । अन्तर्राष्ट्रिय मार्की खेलाडीका रुपमा पनि ६ खेलाडीको नाम सार्वजनिक गरिएको छ ।
सहभागी टोली र मार्की खेलाडी :
केपटाउन ब्लिटज – जेपी ड्युमिनी
डर्बन हिट – हाशिम अमला
जोजी स्टार्स – कगीसो रबाडा
नेल्सन मण्डेला बे जायन्ट्स – इमरान ताहिर
पार्ल रक्स – फाफ डु प्लेसिस
श्वाने स्पार्टन्स – एबी डे भिल्लियार्स
अन्तर्राष्ट्रिय मार्की खेलाडीमा ओइन मोर्गन, जेसन रोय, दाविद मालान (इंग्ल्यान्ड), क्रिस गेल, ड्वेन ब्राभो (वेस्ट इन्डिज) र रशिद खान (अफगानिस्तान) रहेका छन् । आयोजकले २ सय भन्दा बढी अन्तर्राष्ट्रिय खेलाडीले प्रतियोगितामा ड्राफ्टका लागि नाम दर्ता गरेका छन् । ड्राफ्ट बुधबार दक्षिण अफ्रिकामा हुँदैछ । प्रतियोगिताको नियम अनुसार प्रत्यक टोलीले कम्तिमा ३ राष्ट्रिय सम्झौता प्राप्त खेलाडी, ३-४ विदेशी खेलाडी र १ दक्षिण अफ्रिकी रुकी खेलाडी हुनुपर्ने प्रावधान छ । ड्राफ्टबाट प्रत्यक टोलीले १४ खेलाडी लिनेछन् ।
यसबीच नेपालका युवा स्टार सन्दीप लामिछानेले भने ड्राफ्टमा नाम दर्ता गराएपनि अन्तिम समयमा नाम फिर्ता लिएका छन् । राष्ट्रिय टोलीका व्यवस्थापक रमण सिवाकोटीले जानकारी दिएअनुसार सो समयमा सन्दीपले अन्य लिगमा पनि खेल्ने भएकाले उनले यस प्रतियोगिताको ड्राफ्टबाट नाम दर्ता फिर्ता लिएका हुन् ।
सन्दीप हाल अफगानिस्तान प्रिमियर लिगमा नङरहर लेपर्डबाट खेलिरहेका छन् । उनको टोली अहिले लिग तालिकाको चौथो स्थानमा रहेको छ । दोस्रो चरणमा पुग्ने टोलीको सम्भावना बलियो छ र लिगको अन्तिम खेल बुधबार हुनेछ ।
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
December 13, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) को फाइनलमा सुदूरपश्चिम रोयल्सले लुम्बिनी लायन्सलाई ८६ रनको अत्यन्त सहज चुनौती दिएको छ। यो सिजन पहिले ब्याटिङ गरेर बनेको यो सबैभन्दा कम योगफल हो। यसअघि काठमाडौं गोर्खाजले लुम्बिनीविरुद्ध १ सय ११ रन बनाएको थियो। सुदूरपश्चिम फाइनलमा ब्याटिङमा निरुह बन्यो। लुम्बिनीका कप्तान रोहित पौडेलले ह्याट्रिक विकेट लिंदा शेर […]
December 13, 2025
काठमाडौं (हाम्रो खेलकुद)- लुम्बिनी लायन्सका कप्तान रोहित पौडेलले नेपाल प्रिमियर लिगको फाइनलमा ह्याट्रिक विकेट लिएका छन् । कीर्तिपुरस्थित टियु रंगशालामा जारी नेपाल प्रिमियर लिग (एनपिएल) को फाइनलमा रोहितले सुदूरपश्चिम विरुद्ध ह्याट्रिक विकेट लिएका हुन् । ब्याटिङमा संघर्ष गरिरहेको सुदूरपश्चिमविरुद्ध रोहितले ११ औं ओभरमा ह्याट्रिक पूरा गरेका हुन्। ११ औं ओभरको चौथो बलमा रोहितको बलिङमा सुदूरपश्चिमका […]
