यहि वैशाख ४ र ६ गते नामिबिया विरुद्ध हुने विश्व क्रिकेट लिग च्याम्पियनशिप अन्तर्गतको खेलका लागि १४ सदस्यीय टोलीको घोषणा भएको छ|
तिन नयाँ युवा खेलाडी सम्मिलित टोलीमा केहि पुराना नाम भने अटाइएक छैनन्| विकेटकिपर ब्याट्सम्यान सुबाश खकुरेल, अनिल मण्डल र अभिनाश कर्ण टोलीमा रहेका छैनन्|
खकुरेलको अनुपस्थितिमा यु-१९ टोलीका कप्तान राजु रिजालले विकेटकिपरको भूमिका सम्हाल्ने छन्|
यस्तै स्पिन बलिंगमा ध्यान दिएको भन्दै युवा स्पिनरद्वय सन्दिप लामिछाने र सुशन भारि टोलीमा परेका छन्|
अन्तिम १४:
पारस खड्का, ज्ञानेन्द्र मल्ल, सागर पुन, शरद भेषावकर, नरेश बुढायर, विनोद भण्डारी, बसन्त रेग्मी, शक्ति गौचन, सोमपाल कामी, करण केसी, राजेश पुलामी, सन्दिप लामिछाने, राजु रिजाल, सुसान भारी छन् ।
