5 years ago
February 3, 2019
विनोदबाबु रिजाल भरतपुर, २० माघ- अर्बौं बजेटमा गौतम बुद्ध अन्तर्राष्ट्रिय क्रिकेट रंगशाला बनाउने घोषणा गरेका अभियन्ता सीताराम कट्टेल धुर्मुस र कुञ्जना घिमिरे सुन्तलीलाई भरतपुरमा भव्य स्वागत गरिएको छ । भरतपुर विमानस्थलदेखि नै बाजागाजा र फूलमालासहित उनीहरुलाई रंगशाला निर्माणस्थलसम्म पु¥याइएको छ । बिहान साढे १० बजे भरतपुर विमानस्थल झरेका उनीहरुलाई सयौं समर्थकले फूलमाला र अबिरसहित स्वागत […]
विनोदबाबु रिजाल
भरतपुर, २० माघ- अर्बौं बजेटमा गौतम बुद्ध अन्तर्राष्ट्रिय क्रिकेट रंगशाला बनाउने घोषणा गरेका अभियन्ता सीताराम कट्टेल धुर्मुस र कुञ्जना घिमिरे सुन्तलीलाई भरतपुरमा भव्य स्वागत गरिएको छ ।
भरतपुर विमानस्थलदेखि नै बाजागाजा र फूलमालासहित उनीहरुलाई रंगशाला निर्माणस्थलसम्म पु¥याइएको छ ।
बिहान साढे १० बजे भरतपुर विमानस्थल झरेका उनीहरुलाई सयौं समर्थकले फूलमाला र अबिरसहित स्वागत गरे । त्यसपछि भरतपुर महानगरपालिकाको संलग्नतामा ¥यालीसहित भरतपुर–१५ स्थित रंगशाला निर्माणस्थल पु¥याइएको थियो ।
त्यहाँ धुर्मुस–सुन्तली फाउण्डेसनका अध्यक्ष कट्टेल र भरतपुर महानगर प्रमुख रेनु दाहालले निर्माणस्थल लेखिएको बोर्ड उद्घाटन गरे । त्यसपछि हजारौं समुदायलाई उनीहरुले सम्बोधन गरे । सो क्रममा कट्टेलले भनिएकै समयमा रंगशाला बन्ने बताए । “यत्ति सम्झनुस्, रंगशाला सतप्रतित बन्यो”, उनले भने, “तपाईंहरुले गरेको सहयोग एक पैसा पनि तलमाथि हुन्न, सबै यहीं खर्च हुन्छ ।”
फाउण्डेसनका उपाध्यक्ष कुञ्जना घिमिरेले सारा नेपालीको एकताले नै अर्बौंको योजना आट्ने सासह मिलेको बताइन् । “एक छाक खाना सहयोग गर्नुस्”, उनले भनिन्, “त्यो पनि परेन, कुनै अम्मल लिने गर्नुभएको छ भने छुटाएर सहयोग गर्नुस्, रंगशाला बनिहाल्छ ।”
भरतपुर महानगर प्रमुख दाहालले भरतपुर महानगर र फाउण्डेसनको सहकार्यले तोकिएको समयमा रंगशाला बन्ने कुरामा ढुक्क हुन आह्वान गरिन् ।
डीपीआर सुरु
गत माघ १६ गते काठमाडौंबाट घोषणा गरिएको रंगशालाको निर्माणस्थलमा काम थालनी भएको छ । फाउण्डेसनका प्राविधिक टोलीले काम थालेका छन् । आइतबार फाउण्डेसन अध्यक्ष धुर्मुसले डोजर चलाएर काम प्रारम्भको सांकेतिक उद्घोष गरे । “अब फिल्डको काम सुरु भयो”, उनले भने ।
रंगशाला भरतपुरको कृषि वन तथा विज्ञान विश्वविद्यालयको जग्गामा निर्माण हुन लागेको हो ।
त्रिभुवन विश्वविद्यालयको स्वामित्वमा रहेको भरतपुर–१५ को जग्गा कृषि तथा वन विश्वविद्यालयले भोगचलन गरिरहेको छ । २० विघा ६ कठ्ठा क्षेत्रफलमा रंगशाला बन्ने भएको हो ।
गुरुयोजना तयार भएको २ वर्षभित्र रंगशाला निर्माण गरी महानगरलाई हस्तान्तरण गरिने फाउन्डेसनले जनाएको छ । रंगशाला निर्माणको लागत ३ अर्ब अनुमान गरिएको छ । देश–विदेशका नेपालीहरुबाट प्राप्त हुने स्वेच्छिक सहयोगबाट आर्थिक स्रोत जुटाइने फाउन्डेसनले जनाएको छ ।
मौलिक डिजाइनमा बन्ने रंगशाला कमल फूलको आकारमा निर्माण हुनेछ ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]
