काठमाडौं (हाम्रो खेलकुद)– नेपाली राष्ट्रिय क्रिकेट टोलीका मुख्य प्रशिक्षक जगत टमाटा बिहीबार गृहनगरमा सम्मानित भएका छन् । टिकापुर नगरपालिकाले टमाटालाई ५१ हजार रुपैयाँसहित सम्मान गरेको हो ।
टिकापुर नगरपालिका मेयर टपेन्द्र रावल, प्रदेश ७ का सभासद रणबहादुर रावल र टिकापुरकी उप केशरी विष्टलगायतले टमाटालाई सम्मान गरेका थिए ।
टमाटाले यति लामो खेल जीवन र प्रशिक्षणपछि अहिले आफ्नो ठाँउमा सम्मानित हुन पाउँदा खुसी लागेको बताएका छन् । उनले आउने दिनमा पनि खेलाडीलाई यस्तो सम्मान हुनुपर्नेमा जोड दिएका छन् ।
टमाटाको नेतृत्वमा रहेको नेपाली टोलीले हालै मात्र संयुक्त अरब इमिरेट्ससँगको तीन एक दिवसिय र ३ टि ट्वान्टी क्रिकेट श्रृखंला समान २–१ ले जितेको थियो । क्रिकेट टोली स्वदेश फर्केको तीन दिनपछि टमाटा गृह नगरमा सम्मानित भएका हुन् ।
टमाटा लामो समयदेखि राष्ट्रिय खेलकुद परिषद् (राखेप) अन्तर्गत क्रिकेटको मुख्य प्रशिक्षक समेत रहँदै आएका छन् ।
