धनगढी (हाम्रो खेलकुद) – रुस्लान धनगढी प्रिमियर लिगको तेस्रो संस्करण शनिबारदेखि फाप्ला क्रिकेट मैदानमा सुरु हुँदैछ । फागुन ११ सम्म चल्ने प्रतियोगितामा सबै टोलीले आफ्नो तयारी सकेका छन् ।

यसपटक विराटनगर किंग्सको कप्तानी नेपाली टोलीका अलराउण्डर करण केसीले गर्नेछन् । विराटनगरले पहिलो खेल शनिबार धनगढी स्टार्ससँग खेल्ने छ । पहिलो पटक फ्रेन्चाइज लिगमा कप्तानी गर्न लागेका करणको यो अग्निपरिक्षा हुनेछ । उनले यसअघि पहिलो संस्करण सीवाई सी अत्तरिया र दोस्रो संस्करण महेन्द्रनगर युनाइटेडबाट खेलेका थिए ।

कागजमा हेर्दा विराटनगर टोली सन्तुलित छ । विराटनगर पहिलो संस्करणमा शरद भेषावकरको कप्तानीमा उपविजेता र दोस्रो संस्करणमा पारस खड्काले नेतृत्व गर्दा समूह चरणबाटै बाहिरिएको थियो । यस पटक विराटनगरको पहिलो लक्ष्य प्लेअफ पुग्ने हुनेछ ।

विराटनगरका तीन महत्वूर्ण खेलाडी :

करण केसी – विराटनगरले कस्तो प्रर्दशन गर्छ भने कुरा कप्तान करण केसीको निर्णय र प्रर्दशनमा धेरै भर पर्नेछ । करणले बलिङ,ब्याटिङका साथसाथै कप्तानी पनि उत्तिकै जिम्मेवारीपूर्ण ढंगले निर्वाह गर्नुपर्ने छ । पछिल्लो समय करणको प्रर्दशन गज्जवको छ । घरेलु फ्रेन्चाइज लिगसँगै गत साता सम्पन्न यूएईसँगको ओडीआई र टि २० सिरीजमा उनले उत्कृष्ट प्रर्दशन गरेका थिए । करणमाथि विराटनगरले विशेषत ओपनिङ बलिङ र तल्लोक्रममा विष्फोटक ब्याटिङको अपेक्षा राखेका छन् ।

शिभकान्त शुक्ला – भारतीय खेलाडी शुक्ला रन्जी ट्रफी प्रतियोगिता खेलिसकेका खेलाडी हुन् । ३३ वर्षीय शिभकान्तले ८५ प्रथम श्रेणी क्रिकेटमा ४,१९८ रन बनाएका छन् । विराटनगरले शुक्लाबाट ब्याटिङमा ठूलो आसा राखेको छ । विराटनगरलाई विजयी योगफलसम्म पुर्याउन शुक्लाले पृथु वाँस्कोटा, राजेश पुलामी, हरि शंकर शाहसँग मिलेर राम्रो रन बनाउने जिम्म्वारी निर्वाह गर्नेछन् ।

कुशल भुर्तेल – आक्रमक ब्याट्सम्यान भुर्तेलमाथि टोलीको ठूलोको आक्रमक पालीकोे विश्वास राखेको छ । टि–२० खेलमा एकै खेलमा पनि खेलले नयाँ मोड लिने हुँदा कुशलले तल्लो क्रममा आक्रमक ब्याटिङ गर्न सके विराटनगरले राम्रो लक्ष्य बनाउन सक्छ । त्यसो त उनले पछिल्लो समय ओपनरको भूमिका पनि निर्वाह गरेका छन् । उनले आफ्नो जिम्मेवारी वहन गरे विराटनगरले ब्याटिङमा रनको गतिबारे चिन्ता लिनु पर्दैन ।

त्यस्तै सुशन भारी र सम्साद शेखले स्पिनरको जिम्मेवारी सम्हाल्ने छन् । सम्भवत विराटनगरको लागि आशिफ शेख र हरिशंकर शाहले ओपनिङ गर्ने छन् । मध्यक्रम पृथु वास्कोटा,राजेश पुलामीको प्रर्दशन महत्वपूर्ण हुने छ । तीब गतिको बलिङमा करणलाई किशोर महतोले साथ दिनेछन् ।

विराटनगर टिम :
करण केसी (कप्तान), कुशल भुर्तेल, पृथु बास्कोटा, किशोर महतो, मोहम्मद सम्साद शेख, राजेश पुलामी, आशिफ शेख, हरिशंकर शाह, सुशन भारी,अमृत गुरुङ, तृतराज दास, अर्जुन अधिकारी, सुवास ऐर, अभिनाश यादब (भारत), शिभकान्त शुक्ला (भारत)