धनगढी (हाम्रो खेलकुद)– भारतीय अलराउन्डर सन्नी पटेल र विकेटकिपर जयकिशन कोल्सावालाले रुस्लान धनगढी प्रिमियर लिग (डिपिएल) मा सिवाईसी अत्तरियाबाट खेल्ने भएका छन् ।
अत्तरियाका कप्तान दिपेन्द्रसिंह ऐरीले आफ्नो टिममा दुई विदेशी खेलाडीको रुपमा सन्नी र जयकिशनलाई अनुबन्ध गरेको बताए । दुवै खेलाडीले पछिल्लो समय नेपाली फेन्चाइज लिगमा राम्रो प्रर्दशन गर्दै आएका छन् ।
ललितपुरलाई ईपीएलको उपाधि दिलाउन सन्नी र जयकिशनले उत्कृष्ट प्रर्दशन गरेका थिए । अत्तरियाले पहिलो खेलमा आइतबार काठमाडौं गोल्डेन्सको सामना गर्ने छ । त्यस्तै कप्तान दिपेन्द्रले आफ्नो लक्ष्य उपाधि जित्ने रहेको बताए ।
अत्तरिया टोली – दिपेन्द्र सिंह ऐरी –कप्तान) सन्दिप जोरा,जितेन्द्र सिंह ठकुरी,भुवन कार्की,प्रेम तामाङ ,रामनरेश गिरी,कमल सिंह ऐरी,शुबेन्दु पाण्डे,खगेन्द्र जोशी, रित गौतम, दिपेन्द्र रावत, आदिल अन्सारी, ज्ञानेन्द्र कुँवर
विदेशी खेलाडी
सन्नी पटेल र जय किशन कोल्सावाला
