एजेन्सी – न्युजिल्यान्डसँगको दोस्रो टि-२० खेलमा पाहुना टोली भारत ७ विकेटले विजयी भएको छ । १ सय ५९ रनको लक्ष्य पछ्याएको भारतले ७ बल अगाडीनै ३ विकेटको क्षतिमा १ सय ६१ रन बनाउँदै पूरा गर्यो ।
भारतको सहज जितमा कप्तान रोहित शर्माले २९ बलमा ३ चौका र ४ छक्का प्रहार गर्दै ५० रन बनाए । त्यस्तै शिखर धवन ३०, ऋषव पन्त ४०,विजय शंकर १४ र महेन्द्रसिंह धोनीले २० रन जोडे । न्युजिल्यान्डका लागि इश सोधी,डेरिल मिचेल र लोकी फर्ग्यूसनले समान एक विकेट लिएपनि जितको लागि पर्याप्त रहेन ।
त्यसअघि टस जितेर पहिला ब्याटिङ थालेको घरेलु टोली न्युजिल्यान्डले निर्धारित २० ओभरमा ८ विकेटको क्षतिमा १ सय ५८ रन जोडेको थियो । न्युजिल्यान्डका लागि तल्लोक्रमका कोलिन डी ग्रान्डहोमले २८ बलमा ४ छक्का र १ चौका प्रहर गर्दै ५० रन बनाए । रोश टेलर ४२,कप्तान केन विलियम्सन २०, कोलिन मुनर र टिम सिफर्टले समान १२ रन जोडे । अन्य कुनै पनि ब्याट्सम्यानले दोहोरो अंकमा रन जोड्न सकेनन् ।
भारतका लागि क्रुणाल पान्ड्या ३, खलिल अहमिद २, हार्दिक पान्ड्या र भुवनेश्वर कुमारले समान १-१ विकेट लिए । यो सँगै तीन टि-२० सिरीजको खेल १-१ को वराबरी अवस्थामा पुगेको छ । भारत पहिलो खेलमा ८० रनले पराजित भएको थियो । तेस्रो तथा निर्णाक खेल आइतबार हुने छ ।
