राजकोट (एजेन्सी)- ओपनरद्धय डेभिड वार्नर र शिखर धवनले अविजित साझेदारी गरेपछि इन्डियन प्रिमियर लिग (आइपिएल) मा बिहीबार सनराइजर्स हैदरावादले गुजराज लाइन्सलाई १० विकेटले हराएको छ ।
वार्नर र धवन दुवैले अर्धशतक बनाउँदै १ सय ३७ रनको साझेदारी गरेपनि टोलीले १४.५ ओभरमा जित हासिल गरेको थियो । त्यस अघि टस हारेर ब्याट्गिको निम्तो पाएको गुजराजले ८ विकेट गुमाएर १ सय ३५ रन बनाएको थियो । हैदारावादको यो लगातार दोस्रो जित हो भने ४ खेलमा गुजरातको पहिलो हार हो ।

हैदरवादका डेभिड वार्नर र शिखर धवन जितपछि अंकमाल गर्दै ।

अघिल्लो खेलमा अविजित ९० रन बनाएका वार्नरले गुजराजविरुद्ध अविजित ७४ रन बनाए । ४८ बल खेलेका उनले ९ चौका प्रहार गरेका थिए । फर्ममा फर्केको संकेत दिने क्रममा धवनले ४१ बलमा ५ चौकाका साथ ५३ रन जोडे ।
त्यसअघि गुजराजलाई सस्तैमा समेट्ने क्रममा म्यान अफ दी म्याच भूवनेश्वर कुमारले ४ ओभरमा २९ रन दिएर ४ विकेट लिएका थिए । बारिन्डर स्रान, मुस्ताफिजुर रहमान र विपुल शर्माले समान १ विकेट लिए । गुजराजका लागि कप्तान सुरेश रैना बाहेक अन्यले खासै उल्लेख प्रदर्शन गर्न सकेनन् । उनले ५१ बलमा ९ चौकासहित ७५ रन बनाए । ब्रान्डन म्याकलमले १८ र रविन्द्र जडेजाले १४ रन बनाउनु बाहेक अन्यसबै दोहोरो अंकमा रन बनाउनुअघि नै आउट भए ।

कोलकाता नाइट राइडर्स ६ अंकसहित शीर्षस्थानमा छ । समान अंकको गुजरात दोस्रामा छ । तेस्रो दिल्ली डेरडेभिल्स, चौथो हैदरवाद, पाँचौं मुम्बई इन्डियन्सको समान ४ अंक छ । २ अंक जोडेका राइजिड् पुने सुपर जाइन्ट्स, रोयल च्यालेन्जर्स बैंगलोर र किड्स ११ पन्जाब क्रमश ः छैटौं, सातौं र आठौं स्थानमा छन् । आइपिएलमा शुक्रबार पुने र बैंगलोरबीच खेल हुनेछ ।