काठमाडौं -नेपाल र नाबियाबीच विश्व क्रिकेट लिग च्याम्पियनसिपअन्तर्गतका दुईवटा खेल भएको एक साता नवित्दै अन्तराष्ट्रिय क्रिकेट परिषद् (आइसिसी)ले नेपाल क्रिकेट संघ (क्यान) लाई निलम्बन गरेको छ । नामिबियाविरुद्ध वैशाख ४ र ६ गते कीर्तिपुरमा भएको दुई खेलमा नेपाल विजयी भएको थियो ।
आइसिसी पदाधिकारी ।
नेपालमा निर्वाचित र तदर्थ गरि दुई क्यानको विवादका कारण आइसिसीलाई निलम्बन गर्ने बलियो तर्क मिलेको थियो । यूएइमा सम्पन्न आइसिसी बोर्ड बैंठकले क्यानलाई निलम्बन गर्ने निर्णय गरेको हो । आधिकारिता विवाद अदालतमा रहेको र हाल क्यान नेतृत्वविहिन हरेको भन्दै आइसिसीले आर्टिक २.९ अनुसार क्यानलाई निलम्बन गरेको हो ।
क्यानको साधारण सभाले मंसिर २९ गते चतुरबहादुर चन्दको अध्यक्षतामा कार्यसमिति चयन गरेको थियो । त्यो निर्वाचनलाई मान्न नसकिने भन्दै राष्ट्रिय खेलकुद परिषद (राखेप)ले पुस २४ गते रमेश सिलवालको अध्यक्षतामा १५ सदस्यीय तदर्थ समिति गठन गरेको थियो । त्यसको केही दिनपछि निर्वाचित कार्यसमितिले तदर्थ समिति, राखेपलगायतविरुद्ध सर्वोच्च अदालतमा मुद्दा दायर गरेको थियो । उक्त मुद्दा सर्वोच्चमा विचाराधिन छ ।
