काठमाडौं – झन्डै पाँच महिनाअघि राष्ट्रिय खेलकुद परिषद् (राखेप) ले नेपाल क्रिकेट संघ (क्यान) माथि गरेको हस्तक्षेपलाई अन्तराष्ट्रिय क्रिकेट परिषद् (आइसिसी) ले अस्वीकार गरेको छ । आफु मातहत रहेको क्यानलाई निर्वाचन गर्नु भन्दा विवादमा पार्न राखेप उद्दत रहँदै आएको छ ।
मंसिर २९ गते साधारण सभामार्फत चतुरबहादुर चन्दको नेतृत्वमा कार्यसमिति चयन भएको थियो । त्यो साधारण सभालाई सम्पन्न हुन सहयोगी भन्दा पनि राखेपले अवरोध पुर्याउन भूमिका निर्वाह गरेको थियो । त्यो निर्वाचनलाई विधान विपरित भन्दै राखेपले पुस २५ गते रमेश सिलवालको अध्यक्षतामा तदर्थ समिति गठन गरेको थियो । निर्वाचित क्यानले राखेप, तदर्थ समितिविरुद्धको सर्वोच्च अदालतमा मुद्दा विचाराधिन रहेकै अवस्थामा क्यान नेतृत्व विहिन रहेको भन्दै आइसिसीको क्यानलाई निलम्बन गर्ने निर्णय गरेको छ ।
आइसिसीले क्यानलाई निलम्बन गरेपछि क्यानले पाउँदै आएको आर्थिक सहयोग रोक्का हुनेछ । आन्तरिक विवादका कारण देखाउँदै आइसिसीले विश्व क्रिकेट लिग च्याम्पियनसिपअन्तर्गत नेपाल र नामिबियाबीचको वैशाख ४ र ६ गते आफ्नै सक्रियातामा आयोजना गरेको थियो । विश्व क्रिकेट लिग च्याम्पियनसिप आयोजनामा राखेपसँग सहकार्य रहेकोले एक साता नबित्दै क्यानका बारेमा निर्णय लिने क्रममा सरकारी हस्तक्षेप मान्य नहुने बताएको छ ।
