हैदरावाद (एजेन्सी) – महेन्द्र सिंह धोनीको राइजिड् पुने सुपर जाइन्ट्सले इन्डियन प्रिमियर लिग (आइपिएल) मा मंगलबार सनराइजर्स हैदरावादलाई डक वर्थ लुइस (डिएल) को आधारमा ३४ रनले हराएको छ ।
पुनेका स्टिभन स्मिथ
टस हारेर पनि पहिले ब्याटिड्को अवसर पाएको हैदरावदले २० ओभरमा ८ विकेट गुमाएर १ सय १८ रन बनाएको थियो । जवाफमा पुनले ११ ओभरमा तीन विकेटको क्षेतिमा ९४ रन बनाउँदा बर्षाले खेल रोकेपछि टोलीका आधारमा विजयी भएको थियो । पुनेका लागि स्टिभन स्मिथले ४६ र फाफ डु प्लिसिसले ३० रन बनाएका थिए । ओपनर अजिन्के रहाने खाता नखोल्दै आउट भए भने धोनी (५ रन) आशिष नेहराको शिकार बनेका थिए ।
त्यसअघि अशोक डिन्डा र मिचेल मार्सको घातक बलिडका कारण हैदरवाद कम स्कोरमा समेटिन पुग्यो । ४ ओभरमा डिन्डाले ३ र मार्सले २ विकेट लिएका थिए । थिसारा परेरा र रविचन्द्रन आश्विनले समान १ विकेट लिए । हैदरावादका शिखर धवनले अविजित रहँदै ५६ रन बनाए । अघिल्ला तीन खेलमा अर्धशतक बनाएका ओपनर डेभिड वार्नर भने खाता नखोल्दै आएका भएका थिए । भूवनेश्वर कुमारले २१ र नमन ओझाले १८ रन बनाउनु बाहेक टोलीका लािग कुनै पनि ब्याट्सम्यान दोहोरो संख्याको रन बनाउन सकेनन् ।
