default_image

5 years ago

March 10, 2019

भारतमाथि अष्ट्रेलियाको सानदार जित, धवनको शतक खेर

एजेन्सी – पिटर हेन्डस्कम्वको सानदार शतक र एस्टन टर्नरको विष्फोटक अर्धशतसँगै चौथो ओडीआईमा अष्ट्रेलियाले भारतलाई ४ विकेटले हराएको छ । आइतबार चण्डीगढमा भारतले प्रस्तुत गरेको ३ सय ५९ रनको लक्ष्य अष्ट्रेलियाले ४७.५ ओभरमा ६ विकेटको क्षतिमा पुरा गर्यो । योसँगै पाँच ओडीआई सिरीज २-२ को रोमान्चक मोडमा पुगेको छ । अन्तिम खेलमा १३ मार्चमा हुने […]

44 views

0 Bookmark

एजेन्सी – पिटर हेन्डस्कम्वको सानदार शतक र एस्टन टर्नरको विष्फोटक अर्धशतसँगै चौथो ओडीआईमा अष्ट्रेलियाले भारतलाई ४ विकेटले हराएको छ ।

आइतबार चण्डीगढमा भारतले प्रस्तुत गरेको ३ सय ५९ रनको लक्ष्य अष्ट्रेलियाले ४७.५ ओभरमा ६ विकेटको क्षतिमा पुरा गर्यो । योसँगै पाँच ओडीआई सिरीज २-२ को रोमान्चक मोडमा पुगेको छ । अन्तिम खेलमा १३ मार्चमा हुने छ ।

अष्ट्रेलियाको जितमा नायक बनेका पिटर हेन्ड्सकम्बले १ सय ५ बलमा ८ चौका र ३ छक्का प्रहार गर्दै १ सय १७ रन बनाए । पिटरको यो ओडीआई करियरको पहिलो शतक पनि हो । पिटर र उस्मान खवाजाले तेस्रो विकेटका लागि १ सय ९२ रनको साझेदारी गर्दै जित सहज बनाए । ३३.१ ओभरमा जसप्रित बुमराहले कुलदिप यादवबाट ख्वाजालाई क्याच आउट गराउँदै साझेदारी तोडे । उस्मान ख्वाजाले ९९ बलमा ७ चौका प्रहार गर्दै ९१ रन जोडे ।

तल्लोक्रमका एस्टन टर्नरले विष्फोटक ब्याटिङ गर्दै ८४ रन बनाएपछि अस्ट्रेलियाको जित संभव भएको हो । टर्नरले ४३ बलमा ५ चौका र ६ छक्का प्रहार गर्दै रनमा ८४ अविजित रहे । एलेक्स केरीले २१ रन बनाए । ग्लेन म्याक्सवेलले १३ बलमा २ चौका र १ छक्का प्रहार गर्दै २३, शन मार्श ६ र आरोन फिन्च डक आउट भए । भारतका लागि जसप्रित बुमराहले ३,कुलदिप यादव,युजवेन्द्र चाहाल र भुवनेश्वर कुमारले समान एक विकेट लिए पनि टोलीको हार टार्न सकेनन् ।

त्यसअघि टस जितेर पहिला ब्याटिङ थालेको भारतले निर्धारित ५० ओभरमा ९ विकेटको क्षतिमा ३ सय ५८ रन बनायो । ३८ ओभरको चौथो बलमा प्याट कमिन्सले बोल्ड आउट गर्नु अघि धवनले १ सय १५ बलमा १८ चौका र ३ छक्का प्रहार गर्दै १ सय ४३ रनको उत्कृष्ट इनिङ खेले ।

धवनको यो वान डे करियरको १६ औं शतक हो । पछिल्ला १७ खेलमा खराब प्रर्दशन गर्दा आलोचनाको शिकार बनेका धवनलाई यो शतकले ठूलो राहत दिने छ । त्यस्तै अर्का ओपनर रोहित शर्माले ९२ बलमा ७ चौका र २ छक्का प्रहार गर्दै ९५ रनको योगदान दिए । ओपनर धवन र रोहितले पहिलो विकेटका लागि १ सय ९३ रनको साझेदारी गर्दै भारतलाई विशाल योगफल तर्फ लम्काएका थिए । यी दुई ओपनरको साझेदारी झेय रिचड्सनले ३१ ओभरको अन्तिम बलमा शर्मालाई पिटर हेन्डस्कम्वबाट क्याच गराउँदै तोडेका थिए ।

भारतका लागि कप्तान विराट कोहली ७, ऋषभ पन्त ३६, केदार जाधव १०, केएल राहुल र विजय शंकर समान २६ रनमा आउट भए । अष्ट्रेलियाका प्याट कमिन्सले १० ओभरमा ७० रन खर्चेर ५ विकेट लिए । झेय रिचड्सन ३ र एडम जम्पाले १ विकेट हात पारे ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.