एजेन्सी – भारतीय एक क्रिकेटरको क्रिकेट खेल्ने क्रममा मृत्यु भएको छ ।
कोलकाता बालीगञ्ज स्पोर्टिङ्ग क्लबबाट क्रिकेट खेल्दै आएका २२ वर्षिय सोनू यादवको अभ्यास खेल खेल्ने क्रममा लड्दा मृत्यु भएको भारतीय इन्डिया टिभीले जनाएको छ ।
इन्डिया टिभीका अनुसार सोनू अभ्यास खेल खेल्ने क्रममा लडेका थिए । लगत्तै उनलाई एसएसकेएम हस्पिटल लगिएको थियो तर,डाक्टरले मृत घोषणा गरेका हुन् । हस्पिटलले मृत्युबारे थप कारण नखुलाएको इन्डिया टिभीले जनाएको छ ।
भारतीय सेकेन्ड डिभिजन क्रिकेट खेल्दै आएका सोनू एक विकेटकीपर ब्याट्सम्यान रहेको बताईएको छ ।
