काठमाडौं (हाम्रो खेलकुद) – नेपाली स्पिनर सन्दीप लामिछाने दिल्ली क्यापिटल्सका लागि कोलकाता नाइट राईडर्सविरुद्ध खेलमा पहिलो रोजाइमा परेका छन् ।
सन्दीप र क्रिस मोरीस यस खेलका लागि विदेशी खेलाडीको रुपमा टोलीमा परेका हुन् । यसअघिको खेलबाट किमो पल टोलीमा परेका छैनन् । दिल्लीले अमित मिश्रा र सन्दीपलाई स्पिनरको रुपमा खलाउँदै छ ।
दिल्लीको घरेलु मैदान फिरोज शाह कोटलामा भर्खर सम्पन्न टसमा दिल्ली क्यापिटल्सले टस जितेर पहिला बलिङ गर्ने निर्णय लिएको छ । कोलकताले ब्याटिङको निम्तो पाएको छ । दिल्लीले आजको खेलमा ४ खेलाडी परिवर्तन गरेको छ ।
अक्षर पटेलको स्थानमा हनुमा विहारी, किमो पलका स्थानमा क्रिस मोरिस, राहुल टेवाटियाको स्थानमा हर्षल पटेल र सन्दीपलाई मौका दिएको छ । .
दिल्लीको प्लेइङ ११ : शिखर धवन, पृथ्वी शा, श्रेयस ऐर(कप्तान), ऋषभ पन्त, कोलिन इनग्राम, क्रिस मोरिस, हनुमा विहारी, कागिसो रबाडा, सन्दीप लामिछाने, अमित मिश्रा, हर्षल पटेल
