एजेन्सी – रोयल च्यालेन्जर्स बेंगलोरका कप्तान विराट कोहली कारवाहीमा परेका छन् ।
शनिबार राती सम्पन्न पन्जावसँगको खेलमा सुस्त गति (स्लो ओभर) मा बलिङ गरेको भन्दै आईपीएल आयोजकले कोहलीलाई भारतीय १२ लाख रुपैयाँ जरिवाना गरेको छ । नियम अनुसार टी ट्वान्टी खेलमा एक इनिङ्समा ७५ मिनेटमा सक्नुपर्छ । ७५ मिनेट भन्दा बढी लगाएको खण्डमा जरिवाना तिर्नुपर्ने हुन्छ ।
शनिबार राती सम्पन किंग्स इलाभेन पन्जावलाई ८ विकेटले पराजित गर्दै बेंगलोरले पहिलो जित हात पारेको हो । यस अघि बेंगलोर सुरुवाती ६ वटै खेलमा पराजित भएको थियो । बेंगालेर अंक तालिकामा ७ खेलमा ६ मा हार र १ मा जितका साथ पुछारमा छ । अघिल्लो चरणको झिनो आसा रहेको बेंगलोरले बाँकी सबै खेल जितेर अन्य टोलीको नजिता आफु अनुकुल आउन सके मात्र प्ले अफमा पुग्ने छ ।
बेंगलोरले आफ्नो ८ औं खेल सोमबार मुम्बई इन्डियन्ससँग खेल्ने छ । जारी आईपीएलमा यस अघि मुम्बईका कप्तान रोहित शर्मा र राजिस्थान रोयल्सका कप्तान अजिंक्या रहाणे पनि सुस्त गति(स्लो ओभर) मा बलिङ गरेको कारण कारबाहीमा परि सकेका छन् ।
