एजेन्सी – इन्डियन प्रिमियर लिग (आईपीएल) को १२ औं संस्करणको फाईनलमा आज चेन्नई सुपर किंग्स र मुम्बई इन्डियन्सबीच प्रतिस्पर्धा हुँदैछ ।

खेल नेपाली समय अनुसार साँझ ७ : ४५ देखी हैदरावादको राजिव गान्धी इन्टरनेशल क्रिकेट स्टेडियममा सुरु हुने छ । दुबै टोली चौथो पटक आईपीएलको उपाधि जित्ने दाउँमा छन् । यस सिजनका तीनै खेलमा चेन्नई मुम्बईसँग पराजित भएको छ । क्वालिफायरमा मुम्बईले चेन्नईलाई ६ विकेटले पराजित गरेको थियो । चेन्नईले दोस्रो क्वालिफायरमा दिल्ली क्यापिटल्सलाई ६ विकेटले पराजित गर्दै पुन मुम्बईसँगको भेट पक्का गर्योे ।

जारी प्रतियोगिताकै सर्वाधिक अनुभवी खेलाडीले भरिएको चेन्नईले सन् २०१०, २०११ र २०१८ मा उपाधि जितेको थियो । यी चार आधार मुम्बईलाई हराउँदै चेन्नईले उपाधि जित्न सक्छ ।

४. ताहिरको लय र मजबुत स्पिन आक्रमण

जारी आईपीएलमा चेन्नईको मुख्य हतियार स्पिनर बलर हो । चेन्नईलाई फाईनल सम्म पुर्याउन स्पिनर बलरको प्रर्दशन र योगदान महत्वपूर्ण छ । दक्षिण अफ्रिकी ईमरान ताहिरले १६ खेलमा २४ विकेट लिँदै सर्वाधिक विकेट लिने खेलाडीको सुचिमा दोस्रो स्थानमा छन् । पर्पल क्यापका दाबेदार ताहिर भन्दा अघि कागीसो रबाडा २५ विकेटका साथ शीर्ष स्थानमा छन् । ताहिरले आफ्नो लयलाई आजको खेलमा पनि निरन्तरता दिए चेन्नईको उपाधि जित्ने सपना सहज बन्न सक्छ ।

ताहिर मात्र होइन हरभजन सिंह,रविन्द्र जडेजा र ड्वेन ब्राभोले पनि उत्कृष्ट प्रर्दशन गरि रहेका छन् । हरभजन सिंहले १६ र रविन्द्र जडेजाले १५ विकेट लिदै सर्वाधिक विकेट लिने सुचिमा क्रमश १० र ११ औं स्थानमा छन् । त्यस्तै ड्वेन ब्राभोले ११ विकेट चट्काएका छन् । हरभजन सिंहले पावर प्ले,ताहिर र जडेजाले मिडिल अडर तथा ड्वेन ब्राभोले डेर्थ ओभरमा आफ्नो प्रभाव जमाई रहेका छन् । स्पिनरको उत्कृष्ट प्रर्दशनमा चेन्नईले चौथो पटक आईपीएलको उपाधि जित्न सक्छ ।

३. दिपक चाहरको लय

मध्य गतिका बलर दिपक चाहरको प्रर्दशन लोभ लाग्दो छ । चेन्नईल सम्म पुग्न चाहरको प्रर्दशन उत्कृष्ट छ । ७.५३ को ईकोनमीमा रन खर्चेर १६ खेलमा १९ विकेट लिदैं सर्वाधिक विकेट खेलाडीको सुचिमा चौथो स्थानमा छन् । चाहरले पावर प्ले र डेथ ओभरमा राम्रो बलिङ गर्दै आएका छन् । आजको खेलमा पनि त्यो प्रर्दशनलाई निरन्तरता दिने हो भने मिडिल अडरमा चेन्नईका स्पिनर हाबी हुने निश्चित छ । चाहरको उत्कृष्ट प्रर्दशनमा चेन्नईको उपाधि जित्ने सपना सहज बन्न सक्छ ।

२. अनुभवी टप अडर

प्रतियोगिता अघि चेन्नई कागजी रुपमा कमजोर टोली मध्यको एक हो । तर प्रतियोगिताकै सर्वाधिक अनुभवी टोलीमा पर्दछ । शीर्ष क्रममा ब्याट्सम्यान शेन वाटशन, फाफ डु प्लेसिस, सुरेश रैना, मुरली विजय र आम्बाती रायडुले टोलीको आवश्यकता अनुसार आक्रमक र रक्षात्मक दुबै शैलीमा खेल्ने क्षमता राख्दछन् । दवावमा पनि रन जोड्न माहिर छन् । अन्य खेलको तुलनामा फाईनल खेल सबै खेलाडीलाई केहि दवाव पनि हुने गर्दछ । दवावमा खेल्न सक्ने खेलाडीलेनै उत्कृष्ट प्रर्दशन गर्न सक्छन् । चेन्नईका टप अडरका सबै खेलाडी अनुभवी र थुप्रै पटक फाईनल खेल खेलि सकेका छन् । जसको फाईदा चेन्नईलाई पुग्न सक्छ ।

फाफ डु प्लेसिसले लयमा छन् । रैनाले ३ सय ७५, डु प्लेसिसले ३ सय ७०, वाटशनले ३ सय १८ र रायडुले २ सय ८१ रन बटुलेका छन् । चेन्नईले उपाधि सपनामा शीर्ष क्रममा ब्याट्सम्यानको प्रर्दशनमा निर्भर रहने छ । यी टप अडरका ब्याट्सम्यानको उत्कृष्ट प्रर्दशनमा चेन्नईले पुन उपाधि जित्न सक्छ ।

१. महेन्द्रसिंह धोनी

आईपीएल सुरु हुनु अघि चेन्नई फाईनल सम्मको यात्रा तय गर्न सक्दा भनेर सायद कमैले आकलन गरेका थिए । कप्तान महेन्द्र सिंह धोनीले आफ्नो प्रभाव यो पटक पनि डगमगाउन दिएनन् ।

उमेर ढल्किदो भएपनि प्रर्दशन र नेतृत्वमा धोनीले कुनै कमी आउन दिएनन् । आफ्नो उत्कृष्ट प्रर्दशन र कप्तानीमा चेन्नईलाई पुन फाईनल सम्म पुर्याए । अव उपाधि दिलाउन एक पाईला पछि छन् । जारी आईपीएलमा उत्कृष्ट फिनिसिङ गरि रहेका धोनीको प्रर्दशन लोभलाग्दो छ । धोनीले १३७.५४ को स्टाईका रेटमा कुल ४ सय ४२ रन जोडेका छन् । जसमा बेस्ट प्रर्दशन ८२ रनमा नट आउट छ । धोनीले उत्कृष्ट प्रर्दशन र कप्तानी गर्दै चेन्नईलाई पुन उपाधि जित्न सक्छ ।