सिंगापुर (हाम्रो खेलकुद) – आईसीसी टि-२० विश्वकप एसिया क्षेत्र छनोट अन्तर्गत नेपाल एकमात्र अंकविहिन टोली बनेको छ । मंगलबार पहिलो खेलमा नेपाल कतारसँग पराजित भएपछि प्रतियोगितामा खराब सुरुवात गरेको थियो ।
टस जितेर पहिलो ब्याटिङ गरेको नेपालले अलआउट हुदै १ सय २२ रनमात्र जोड्न सकेको थियो । जवाफमा कतारले ६ विकेटको क्षतिमा २० औं ओभरमा जित दर्ता गर्दै प्रतियोगितामा पहिलो जित आत्मसात गरेको थियो । कतारले सोमबार भएको पहिलो खेलमा सिंगापुरसँग ३३ रनको हार बेहोरेको थियो ।
सोमबार नै भएको दोस्रो खेलमा मलेसियाले कुवेतलाई ४२ रनले पराजित गर्दै सानदार सुरुवात गरेको थियो । मंगलबार भने दोस्रो खेल वर्षाका कारण रद्द हुन पुग्यो । कुवेत र सिंगापुरले अंक बाँडेपछि दोस्रो दिनको खेल सकिँदा घरेलु टोली शीर्षस्थानमा रहेको छ ।
अंक तालिका :
१. सिंगापुर – २ खेल ३ अंक
२. मलेसिया – १ खेल २ अंक
३. कतार – २ खेल २ अंक
४. कुवेत – २ खेल १ अंक
५. नेपाल – १ खेल शून्य अंक
